ايييه يابو ميار جبتها عالجرح  تصدق قبل لااتخرج من الكلية كنت اسمع إن الوظيفة هم وماصدقت إلا لما جربت هالهم أنا ميولي دراسية بحتة ماعندي مشكلة أكمل دراسة لكن تخصصي بالكلية مافيه بكالوريوس وش هالكلية الخايسة كل خريجيها عاطليين  تلعبوون علينا ؟ المشكلة لالقيت وظيفة وقلت هاااانت.. يفاجئونك بشرط مدري وش يبي اللي حاطه واحد نذل؟ أجل يالظالم وظيفة سكرتير وإلا إداري تبي فيها خبرة 11 سنة اعنبوا ابليسك قبل 11 سنة ماكان فيه سكرتير كان مكتب المدير مفتوح وبالماريه حتى الكيلون حق الباب منكسر  كل من جاء درعم وصبخ الباب تقل تسنه مكتب موظف أرشيف مو مكتب مدير .. يارجال خلها على ربك .. أجل ذااك اليوم داقين علي وحده من هالشركات ومصبحيني بنهار رمضان وموصيني على حضور دورة بشركتهم بالليل تمهيد للمقابلة الشخصية .. حضرتها وليتني ماحضرتها أجل مسوين زحمة وشركة وآخرتها حاطينها بشقة والله يوم دخلتها على بالي وكر دعارة وقاعد على أعصابي ماخذ هم لاتجي مداهمة والا شي وبالأخير طلعت هالشركة شركة وساطة يقولون عشان نوظفكم تدفعون لنا 1800 ريال سلامات أنا لو معي هالمبلغ كان ماجيت يمكم ،، وشروطهم من ضمنها اذا وظفناك ماتسحب علينا أو تستقيل لمدة سنة كاملة وإلا تدفع شرط جزائي 9 آلاف .. طييب لقيت وظيفة ثانية حلوووة أحسن من وظيفتكم .. وش اسوي فيهم ؟ استخرت وخليتها للي يبيها وعلى الله المشتكى ،، الله يرزقنا وإياكم من واسع رزقه .. ويحنن قلب المؤسسات الحكومية والخاصة علينا ،، أبو مياااااار  كفيييت ووفيت وعودة حمييدة 
اخر تعديل كان بواسطة » الغدير الازرق في يوم » 04/10/2009 عند الساعة » 08:05 AM | 