الأخ شاهين رويدك فماهكذا تورد الأبل
وترا الأندفاع في المدح يفقد الواحد تركيزه ويخليه يكتب كلام محسوب عليه وعلى نظرة القارئ المحايد له فترا الهلال هلال قبل هالرئيس وبعده ولاتنسى أنك ياخي محسوب على ادارة الهلال وترا هذا واضح ومايبي له نشدة شيخ بل الظاهر أنك من أعضاء الأدارة ،لك كتابات من اجمل مايكون ولك كتابات تفقدك المصداقيه
وبالنسبه لموضوعك هذا عن رئيس الهلال أرجو أن تسأله أو تجيب أنت عنه
س1 : ورا كل أعضاء الشرف اللي كانوا يدعمون الهلال قبل مانعرف الأمير سعود بن تركي كهلالي تركوا الهلال ومهوب بس تركوه بل هجروه؟ وبالذات خالد بن طلال اللي وصل بطائرة الهلال لمكان ماتحلم به، الأمير تركي بن سلطان ، والأمير فيصل بن سلطان ’ وخالد بن الوليد ، صالح الصقري ...........الخ
س2: وراء كل ماطق عود حصاه قلتوا دفع 15 مليون وهو الأمير سعود ذكر مصدرها بنفسه وهو الأمير عبدالعزيز بن فهد حفظه الله؟
س3: هل كان الهلال هالسنه في مستواه مثل العام أو قبل العام؟
س4: هل فعلاً أنه وقع العقد في مدة وجيزه مع المدرب وهو آرثر ماكان أساساً في أجندته وإلا على ماقال لقاه فاضي؟
يأخي كتاباتك معظمها ممتاز إلا هالمقال اللي حقيقه ليتك ماكتبته وسلامتك.

فلا تجعلن الحسن الدليل على الفتى فما كل مصقول الحديد يماني