لا يهمونك يا ابو نوف

الجمهور اللي حضر نقول له الف شكر

واللي ما حضر نعتب عليه ونناشده بالحضور وبس

اما اسلوب الشماته والكلام الفاضي اللي بعد كل مباراة يحضرها جمهور قليل فهذا كلام فاضي ويجب ان ينتهي

ما صار عندكم الا موضوع الجماهير في الرياض

اقسم بالله انكم قاعدين تسوون حساسيات ومشاكل من ولا شي

ياعالم استحوا ودورولكم عن مواضيع ازين من كذا

كل واحد فيكم يا (المشجعين الاوفياء) ما يجيه الهلال الا مرتين او ثلاث في السنه والباقي قاعدين وحاطين رجل على رجل وتشوفونها يا في قهاوي الشرقيه او جده وفي الاخير هاتك يا تهزيء في المنتدى

والله اذا كان الوفاء والاخلاص ينقط منكم لهالدرجة , قصوا لكم تذاكر من جده او امسكوا خط من الشرقية واحضروا في الملعب ( وعلى فكرة ترى ناس كثييييييير سووها قبلكم وعلى مباريات لا تقدم ولا تؤخر)

والله اني صرت اقرف من المنتدى بسبة هالمواضيع السخيفة
كل واحد يبي يسوي انه وفي ويحب الهلال اكثر من غيره

والله حاله