نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - .. [ تقديم الجولة السادسة لليجا الإسبانية ( متابعة + أخبار ) ] ..

Madridi · #2 03/10/2009, 05:18 PM

الله يعطيكم الف عافية يا شباب

رغم الظروف اللي حصلت من ابتعاد بعض الشباب اللي متعودين نشوفهم

الا انكم ما قصرتم وقدمتوا جولة بشكل خرافي في وقت قياسي

دليل اخر على الابداع المتوفر بكثرة في اعضاء الرابطة

عافاكم الله ، وان شاء الله الجولات القادمة تنزل في وقت ابكر من كذا بكثير بحول الله

ما اراح اتكلم عن بقية المباريات لأن كلها بسيطة وما فيها الملفت للنظر

بكتفي بهالمباراة

مباراة صعبة للغاية ، الريال مطالب بالفوز كالعادة ، خصوصا في ظل الضغط الصحفي الكبير جدا ، واللي اتمنى ما يؤثر على اللعيبة في ظل النقص .

رونالدو هو الاكثر تأثيرا في نتائج ريال مدريد في المباريات الماضي ، ولكن اعتقد ان فريق فيه كاكا و جرانيرو يجب ان لا يتأثر كثيرا ، انا اعتبر ان الغياب الاكثر تأثيرا هو غياب لاس ديارا ، خصوصا ان محمد ديارا الى الان لم يكتمل الاعداد اللياقي له ومانو ما يعتمد عليه كثير .

هالمباراة صعوبتها تزيد بقوة على سيرجيو راموس واللي دايم يجيب العيد اذا لعبنا في البيزخوان ، العام تسبب في هدفين لهم ، واللي قبله انطرد ، والله يستر

ببدأ في بخطوط الفريق .

طبعا الحراسة مافيها كلام ايكر واللي قدم مستوى كبير في اخر مباراتين ، واتمنى يواصل ، خصوصا بعد الدفعة المعنوية الكبيرة اللي لقاها بعد جائزة افضل حارس 2008 .

الدفاع وضعه مريح بعد عودة الكنغ بيبي ، واللي مقدم مع البيول مستوى جميل للغاية ، ايضا احتياطيهم هو البطل والرائع جاراي ، واللي كل ما دخل يقدم مستوى ممتاز ، ولكن الخوف ان بيليغريني يعتمد على بيبي كمحور ، لأن المباراة بيكون فيه قوة عك في النص وبيبي لاعب متهور ، اتمنى يبقى بيبي كقلب دفاع .

الوسط ارجع واقول اتمنى ما اشوف بيبي فيه واللي لعبه مانو في التجريبية في هالمركز وكأنه حاس انه بيجي يوم يفقد لاس ومحمد ما يكون جاهز 100% ، لذلك انا اتمنى يبدأ بمحمد ، واللي جنبه مباراة مارسيليا ، اتمنى اشوف محمد كمحور ثابت امام قلوب الدفاع ، ويكون قدامه الونسو وعلى الاطراف كاكا و جرانييرو ، مع تواجد بينزيما كلاعب متحرك ، ويلعب البيبيتا ، رغم اني متأكد انه بيلعب راؤول

، رغم ان راؤول يستلج في هالملعب زي العام مسجل هدفين

.

بالتوفيق للفريق ، كتبت في الرابطة راضي بالتعادل

لكن بصراحة فريقنا يغريك بالفوز دائما .

..............................................

الصحافة المدريدية مسوية شغل ممتاز جدا مع الحكم البجيح ايتورالدي غونزاليس

هالحكم ذكرياته سيئة جدا معنا ، وزي ما قلت الصحافة مشتغلته هاليوم ومسوية ضغط ممتاز لنا

، كاتبه ان الريال ينتظره كرت احمر ( دايم يطرد مدريدي

) ، واللي كاتب ان فيار بدأ العمل ضد مدريد بتعيينه حكام سيئين له في جولات الدوري الاولى

ومن هالكلام الصحفي اللي العاقل ما يؤمن به كثيرا ( واللي احيانا يكون صحيح للاسف

)

الله يستر منه لانه غالبا بصراحة يكون ضد مدريد

فوتكم بعافية