نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ رابطة الكوليز [ رئيس برشلونة الجديد : ساندرو روسيل .. وداعاً لابورتا الذهبي ] أبطال موسم 2009/2010 ][

S U L A I M A N · #4342 02/10/2009, 04:16 AM

إقتباس

الرسالة الأصلية كتبت بواسطة فيلسوف


	^^ طيب ماودكم تبارونا ؟ صدقت والله عيالكم يقوطرون عسل احس اني فليتها ,, يالله سلام يا صديقوني .

حياك أيوب

الموضوع المقصود للأسف تم اغلاقه بطريقه مهينه وغير احترافية بكل أمانه .. مافيه أي سبب يدعوا لإغلاق الموضوع بكل صراحة .. اذا كان فيه ردود تستاهل الحذف تنحذف ليش يتم اغلاق الموضوع حتى بدون رد توضيحي للإغلاق أو كـ احترام لصاحب الموضوع أو مكانته .. بحكم خبرتي البسيطه أتوقع الإغلاق كان لطول النقاش وعدم الخروج بسبب معين .. طيب ياحبيبي أنا صاحب الموضوع وأنا المتضرر منه كيف تروح تقفل الموضوع وتقول مامنه فايده .. في حال انه هذا كان سبب الإغلاق!! وين الاحترافيه في المنتدى ياخي الكلام برى بالسياسه صار عادي الحين مافيه احد يمسكك لانك قلت رايك فيه ديموقراطيه يعني .. وين حرية الرأي في المنتدى الموضوع نقاشي بحت حتى وان شابه بعض الشوائب من بعض الأعضاء وعدم اقتناعهم والمكابره في ذلك .. ماورانا شي نبتل معهم لين يقتنعون أو يطلعون من الموضوع بكرامتهم .. اللي أغلق الموضوع أعرفه وللأسف ماتوقعتها منه وكنت أتمنى منه احترام أكثر ماهو بحكم العلاقه أو بحكم المنصب السابق او المكانه الحاليه اواو .. كـ إحترام لا أقل ولا أكثر .. لا تحترمني ياخي هذا شي راجع لك لكن بيْن سبب الإغلاق علشان الغير يعرف وش السبب ..

الموضوع كان ماشي مضبوط لما كنت موجود فيه والحمد لله مافيه ردود تستوجب الإغلاق الا النادر القليل منها يستاهل التحرير مو الخذف .. يُغلق موضوع علشان كم عضو حطوا بروسهم ان هالموضوع يُغلق ويجيبون فزعات ويله كلنا راح نقفل الموضوع والطريقه سهله ومعروفه ذب على فلان وسوي قوي على فلنتان وعيط زي ماتبي لين ينقفل الموضوع ويفتك البعض من الحشْره اللي صارت لهم ويطلعون بكرامه مع اني ما أتوقع فيه باقي منها شي ولا عن نفسي بمكانهم من أول رد بنهي الموضوع وماراح أدخل فيه ..

للأسف الكثير يطالب بالنقاش في الاستوديو والتواجد في المنتدى بكثافه ووو .. لكن مستحيل يصير اللي يطالبون فيه بسبب ان فيه شغلات في المنتدى لابد من وجود حلول لها .. كيف تبغانا نتناقش ونتواجد وانت حاط حد للنقاشات ماحد يتعداها واللي يتعداها يكون معرض لإغلاق موضوعه .. وين الديموقراطيه وين الاحترافيه وين الأسباب اللي تخلي الواحد يشارك في العالميه ويناقش هذا ويرد على ذاك ويبين وجهة نظره لذاك ويبين أمور البعض يعتقد شي ثاني بخصوصها وهنا لابد من التوضيح لهم ان اعتقاداتهم خاطئة تماما زي ماسويت بالموضوع المقصود .. ماهي مشكلتي ان فيه أعضاء ماجاز لهم الموضوع وماجاز لهم الحشْره اللي صارت وراح يحاول يغلق الموضوع علشان ماتطلع فضايح اكثر .. الموضوع من أساسه نزل كـ توضيح للي ماهو فاهم .. اللي بيناقش يجي يناقش ولا يلف ويدور مهب اذا انشلخ وجهه راح يحاول يغلق الموضوع بأي طريقة حتى لو يدخل بيوزر انتحاري .. للأسف هذا اللي صار وانطلى على اللي أغلق الموضوع واللي بالمناسبه ماهو مشرف في العالميه بل من أصحاب اليوزرات البنْيه ..

كثرت كلام ماله داعي ومفروض ماينزل بالرابطة لكن من المغثه اللي بي والقهر قسم بالله .. تنزل موضوع وتناقش تبي تفهم بعض الناس تتفاجأ ان الموضوع يتقفل بدون سبب ..