حلو ياتوتي بما انك مبسوط عالأخر وقاعد تضحك يعني صدرك وسيع وتحملنا شوي

ماشي ؟

1- لازلت مارديت ولا راح ترد علي كل تسائلات يا اخي في تسلسل منطقي مو جايبلي سؤال
واحد ومقسمه 5 مادري 6 اقسام وتقولي جاوب عليه

2-انا اقولك في الأول عشان تقدر تفهمني وتتوضح الصورة عندك شوف الشريط عاد
انا اكثر ما اكره اللي يكتب لمجرد الكتابه يوووووووووووه عاد هذا شيفكك منه

3- نبي نوصل لنتيجه بدون تحييز اعمى وانا بصير معاك بكل شي عقلي ومنطقي بتقوله

4- رجاءاً لاترد علي مره ثانيه الا لما تكون مجاوب بكل عقل على اسئلتي الأولى لأنها مهمه جداً
ولا ماراح نوصل الحل بيصير مجرد حروف وكلمات خاويه بدون معنى


ماشي ؟



يلا نبدي ناخذ ( سؤالك ) المقسم مع انه انت المفروض اللي ترد على اسئلتي يابطل ;)
يلا مو مشكله حاضرين لفخامتك

إقتباس عندما يغلط عليك الرجل في بيتك .. فانت لا ترد عليه .. ببساطة لانه في بيتك .. تحترمه حتى لو كان غلطان .. حتى لو كان غلطان 100%

مثال : السيد الفاضل توتي قاعد ابيتهم وانا شرفت , وانا طبعي عدواني شوي فبد يت اتحرش فيك
شوي شوي لين ضربتك وطحت فيك ضرب بدون مو اوقف !!!

ماذا يكون موقفك

1- تفقد اعصابك وتبدي بالضرب المضاد

2- تنبطح وتقولي تفضل ياشيخ البيت بيتك وجسدي ملكك اضرب مثل ماتبي

3- تدفعني نحو الباب وتقفل الباب وتنخش ( تختبيء )
صارت طاش ماطاش السالفه !!
الصراحه رد اكثر من جذي ماعندي وانت مشكلتك ماشفت الشريط ياخي وبعدين معاك !!؟
روح شوف الشريط وبعدين تعال يمكن الله يفرجها الا شلون كانت درجات المدرسة ;)

إقتباس استنادكم في الدفاع عن القادسية على ان السد هو البادي .. استناد باطل .. لانه حتى لو كان هو الباديء .. في الدنيا مو سايبه .. في قوانين و فيه هيئات مختصة للعقاب .. و لو كل واحد خذ حقه بيده كان ما الدنيا راحت وطي

باطل !!؟ وبعدين اي هيئات واي قوانين توه لسه مابردت السالفه بلشت بثانيه وجوالأمن و الأداريين
القادسيه والسد جزاهم الله خير انزلوا الملعب يفضون الأشتباك وعلى فكره الأحداث مجرد ثلاث
دقايق او اربع اعتقد كل هالهذره والكلام الزايد وقوانين ما قوانين ياخي تعوذ من ابليس وبعدين
تعال اهني انا عمري ماشفت بحياتي مشاجره فريق يوقفون ينطقون ويبتسبون ولكن
اكيد بيفلت لاعبين ثلاث منك ويردون على كيتا واللي يدافعون عنه وكيتا عاد هالأخلاق والزين
يعجبك ( مستمر بمسلسل الأدغال والضرب والصراخ مو راضي يوقف ) يعتقد للحين بفريقيا وجزاهم الله خير اهلنا ( بعض ) لاعبين
السد ماقصروا وقفوا مع الغريب ( كيتا ) وبدوا يدافعون عنه ويرفسون بلاعب قدساوي ماثبت منو بس
كان بحاله كسيفه الله يعينه وهذه تفاصيل تنشاف ماتنقال ( على فكرة انت للحين ماشفت الشريط ترى اللنك موجود بالموضوع يمعود روح شوفه يزاك الله خير )

إقتباس طق الناس ..و ترجيفهم .. و طقهم بالعقال يبغا له لوائح !! من جدك انت ؟؟؟

لا غلطان انا وستين غلطان ياااااااااه من قال يحتاج قوانين انت الأمير الطيب شيخ القوانين
موجود وانتكلم بالقوانين واللوائح !!! اعتقد كلام فاضي ولا يجوز
ابشرك طال عمرك من هني ورايح اي شغله تصير ولو دبت النمله نسمعها لندزلك فيها ايميل
ونعرض المشكله عليك وانت عاد تقرر اللي تشوفه اللله يطولي بعمرك باجر ندور بطولات يقولون مافي كل نوادي العالم ومنتخباتها موقوفين 3 - 4 سنوات عالقليل

إقتباس انا اقول لك .. والله الصور هذي لو اشتكى بها لاعبي السد مدنيا في محكمة عادلة و امام قاضي منصف .. كان بيكون فيه >>> سجن <<< و غرامات مالية !! و انت جالس هنا تقولي الشطب مو عادل !!

يطولي بعمرك مادري تستخدم منجم والعياذ بالله !!؟
وبعدين تعال اقعد جدامي ليش واقف , انا اول مرة اسمع انه قاضي ياخذ بأدله طرف ويترك
الطرف الثاني ؟ اما عاد اذا كانت من قوانينك الخاصه فهذا شي ثاني طال عمرك واحنا مانتدخل
فيه منو احنا ومنو اللي من حقه يتدخل بقوانينك يطولي بعمرك لا هالكلام مايجوز شرعاً

إقتباس الحمدلله اني مو لاعب دولي .. اخاف تصير لي مباراة في الكويت .. و اتصفق من كل ما هب و دب .. حتى بواب النادي يطقني بعقاله .. و اخرتها ما فيه عقاب !! لا بالعكس .. بيطلعون لي ناس يدافعون عن اللي ضربني !!!

ياخي زين والله سؤال احطه عالعين والراس ملينا ترى من ذيك الأسئله الهزليه

نبدي بالجد : انا معاك قلباً وقالبا هذا انسان مايستحي على ويه ولا يمثل النادي وهذا
( بوعزيز ) اخونا في الله الصراحه ماحب اتهجم عليه مايجوز , انطرد من عمله
ونادي القادسيه والأتحاد رفعوا ضدة قضيه مدنيه والصراحه اللي سواه يفشل

الله يوسع عليك ويفرجها ويوفقك دنيا وأخره يارب من فتره ماضحكت كل هالضحك
تسلم وماتقصر طال عمرك وسامحنا عالقصور