| السلام عليكم
الهلال حاليا مقبل على نهج تكيتيكي جديد على كل اللاعبين الحاليين تقريبا ، فريق تعود بالسنوات الاخيرة على اللعب باسلوب متحفظ و فجأة أنتقل للعب مفتوح و هجومي ، هذا الاسلوب يحتاج أشياء منها الوقت و منها عناصر مختلفة عن الموجودة حاليا بالهلال.
عشان تلعب بمحور واحد لازم يكون عندك مدافعين متميزين بالمواجهات الفردية لانهم بيواجهونها دائما بسبب اندفاع الفريق ، هل المرشدي لديه هذه الميزة ؟
عشان تلعب محور واحد لازم يكون المحور هذا متميز جدا بقطع الكرات و توزيعها ، من فيه بالهلال يقدر يسوي هالشي ؟ ، عندنا رادوي متميز بالتوزيع بس أقل بقطع الكرات بينما عزيز متميز بقطع الكرات بس غير متميز بالتوزيع.
عشان تلعب بمحور واحد تحتاج الفريق كاملا يضغط بحال فقد الكرة و خصوصا لاعبي الوسط الهجومي ، هل الشلهوب يضغط في حال فقد الكرة ؟ هل نيفيز حتى الان يضغط بحال فقد الكرة ؟ ، ما فيه الا الفريدي اللي يأدي هالشي بتميز و يأتي بعد بدرجة أقل ويلهامسون.
عشان تلعب محور واحد لازم يكون وسطك الهجومي ماهر جدا و ما يخسر الكرات بسهولة
أشياء كثيرة نحتاجها إذا جيرتس يبغى يطبق الفكر هذا و تحتاج تغيير بالعناصر و على رأسهم الاجانب ، أو الأفضل أنه يلعب بشكل أكثر متوازن و يكون مناسب لامكانيات لاعبي الهلال  | 