الدفاع عليه بعض الملاحظات حبتين مادري شفيهم اليوم فيه اختراقات من الاوكران وخصوصا من شيفا .. لكن بويول كان بيومن ;)

ميسي مازال يثبت مباراة ورى الثانيه انه الأفضل في العالم .. ميسي مايحتاج لإثبات أفضليته بالعالم لكن طبيعي بيكون فيه مشككين زي مستر فالدانو حكيم زمانه .. هدف رائع بالغصب دخل المرمى مع تحركات مميزه وعنف بعض الشيء ضده .. وشكله الاهداف المنتظره دايم مع ميسي .. بعد الهدف رقم 5000 .. الحين سجل الهدف رقم 100 لبيب في النوكامب ;) ..

بويول اليوم قدم مباراة جدا رائعة بصراحة أثبتت برضو للعالم علو كعب الكابيتانو من زيف بعض الادعاءات حول انحدار مستواه وعدم امكانية رجوعه .. رجع وقدام شيفا برضو ;)

كيتا مهب صاحي ياعيال مهبول هالأسود والله قدر مايتأهل مالي لكاس العالم علشانه بس هو وكانوتيه! يستاهل والله سعيدان لكن موب مشكله الجايات أفضل .. تحرك كبير داخل الملعب واستخلاص الكور من المهاجمين والتقدم فيها ووو .. فعلا ليس مجرد محور ماشاء الله عليه ..

توريه برضو اليوم كان مأدي أداء حلو وكان مسكر المنافذ للدفاع فما حصلوا حل الاوكران الا باللعبات الطويله واللي للأسف باغتت مدافعينا لكن يقضة بويول مع كل كوره في آخر رمق كان لها التأثير الكبير في ايقافها ..

اينيستا لعب شوط اول مميز وصنع الهدف الأول وتغاضى الحكم عن ركلة جزاء له .. يعجبني بيب اهتمامه باينيستا وعدم الزج فيه اوقات طويله .. يعني رجعة تدريجيه بكل ماتعنيه الكلمة من معنى وهالشي باذن الله راح يكون ايجابي للاعب ..

ابرا مازال يبصم في كل مباراة انه صفقه من أفضل صفقات الصيف .. اهداف وصناعة وتهديد كبير للمرمى

بيدرو مباراة بعد الثانيه يثبت انه قادم بقوة للأجواء الأوروبية .. والحمد لله ان المدرب هو قوارديولا المعروف بتنمية المواهب الشابه واهتمامه فيها .. بيدرو سجل اليوم على ديناموكييف وقبلها على شاختار .. مشروع عقده قادمه ;) .. بإذن الله يكون لك نصيب في الإياب بعد مانظمن التأهل بحيل الله ..