رانييري الخطة إلي دخل فيها زي وجهة وتوظيفة للاعبين في المعلب فاشل جدا أجل يلعب بيروتا ورى توتي وفوزينتش ويطلب منه إنه يدخل منطقة الجزاء ! وكلنا شفنا آخر مباراة لبيروتا إلي كانت قدام فيوورنتينا كان محور إرتكاز وكلنا بعد أشدنا فيه لأنه أبدع بذيك المباراة .. على العموم اللاعب اليوم إلي كان لامحل له من الأعراب بريجي الشوط الأول والله العظيم مادريت عنه ناسي إنه يلعب .. والسبب يعود لرانييري إلي مخليه بهالمركز يعني لو إنه استبدل مراكز بينه وبين بيروتا كان ممكن يسوي شي والدليل مباراة باليرمو بريجي كان ورى فوزي وتوتي وتحركاته كانت سليمة ومؤدي المطلوب بس بعد ماسجل اختفى !

وزيادة على كذا رانييري ماكان متوقع إنه بيخسر تبديلين وفي خط الدفاع بعد ! لو إنه ماخسرهم كان أكيد بينزل فاتي وأوكاكا على العموم نقطة أحسن من لا شي .. لأن اليوم الفريق مستواه زفت وأنتم بكرامة الوسط ضايع وإذا ضاع الوسط المباراة بكبرها تضيع وعلى قولة أحمد الطيب ماشفنا إلا فنايل اللاعبين .. والوحيد إلي كان يحترق بالملعب الحارس خوليو سيرجيو صحيح إن قصير من ناحية الطول لكن والله أنقذ الفريق من أهداف محققة .. ولاتنسون الحكم بعد كان الصراحة وقح خاصة الفاول إلي بالدقيقة الأخيرة من الجهة اليمنى ! يعني ماأدري ليه ماحسبه ..

المهم مباراتنا الجاية مع سيسكا صوفيا البلغاري على ماأظن أتمنى من رانييري إنه يريح بعض اللاعيبن ويعطي فرصة للي عنده بالإحتياط .. ودنا نشوف من أول المباراة أوكاكا مينيز جيوبيرتي فاتي تشيرتشي < المصري إلي لعب اليوم مدري وشهو اسمه ! .. مفروض الصغار ذولا يعطيهم فرصة يلعبون أساسين خلهم يدخلون أجواء المباريات ياكلب

وبالتوفيق في المباريات الجاية