السلام عليكم ورحمة الله وبركاته
نشر الأخ سام موجود مشكوراً صورة تجمع ناصر الجوهر والأمير سلطان وطلب تعليقات عليها وهذه هي الصورة :
ونظراً لأن الصورة تغني كثيراً عن الكلام أحببت أن أعلق عليها بشكل محادثة بين الجوهر والأمير سلطان.. وأتمنى أن تنال هذه المحادثه المستوحاة من الصورة وأيضاً من الواقع القبول.
الجوهر : تسمح لي ياطويل العمر افرض بعض اللاعبين بالتشكيله مثل تكر وكريري والمنتشري واخليهم بشكل دائم لأنهم خبره ولعيبه صح!! ( ضمن الذين مستواهم بالحضيض منذ فترة طويلة ووجودهم جلب للكرة السعودية النكسات والحسرات )
وبستبعد بعض اللعيبه أو احطهم في قائمة البدلاء أو ماأخليهم بشكل دائم بالمنتخب مثل عبد الرحمن القحطاني وتيسير الجاسم!! (من أفضل وأقوى لاعبين الوسط ومن أبرز النجوم في كأس آسيا)
الأمير سلطان : انت ادرى ياناصر وحنا واضعين ثقتنا فيك..!!
الجوهر : اذا جبتو مدرب ياطويل العمر استأذنك اني افرض تشكيلتي والاسماء اللي ابيها عليه..!!
الأمير سلطان : ابشر وأي مدرب مايطاوعك علمنا بس.. ترى ماقصرنا معك وتذكر كالديرون وآنجوس..!!
الجوهر : انا عندي خوف اني ماافوز او مااحقق النقاط المطلوبه..!!
الأمير سلطان: ماعليك.. كل ماتطلع من التدريب بنخليك مستشار أول للمنتخب وتفصل والمدرب اللي بعدك يلبس وإذا مانفذ اوامرك بيطير مثل ماطار كالديرون..!!
الجوهر : ولي طلب عندك..!!
الأمير سلطان : سم
الجوهر : الاسماء اللي قلتها لك لاتروح من المنتخب منهم كريري وتكر والمنتشري.. ابيهم ثابتين بالقائمة حتى لو كانوا في بعض المباريات أو أغلبها أو كلها مو أساسيين مع أنديتهم!!
الأمير سلطان : ابد موجودين بالقائمة ولو تبيهم يلعبون اساسيين ماعندنا مانع..!!
........................................
تحياتي
