نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ديزني لاند

FLORINTINO · #40 27/09/2009, 09:47 PM

^

الردود الي تحوم الكبد واجد بس انحذفت

..
ولو ردك واحد منهم كان طنشته !!

نترك هذي وندخل في الموضوع ،

مسألة الديون .. بداية قبل فترة بسيطة اعلن بيريز عن ميزانية النادي بالكامل بالأضافة الى الديون المترتبة من القروض الي اخذها النادي هذا الصيف 422 مليون يورو ميزانية لـ النادي ، 327 مليون يورو ديون على النادي .. يعني الأمر بسيط جداً ولا كان شفت تهليل من الصحافة وتقارير على الطالعة و النازله من الجرايد الكاتلونية و مثيلاتها .. الريال مالياً مع بيريز بألف خير

.. وما يهمني حقيقةً ان كان دين النادي 40% او حتى 50% من رأس المال ما دام ان الرجل الي على كرسي الرئاسة فلورنتينو بيريز .. اذا ما تعرف فلورنتينو بيريز و وش سوا لـ النادي في عز الفترة الي كان يحتاج فيها لـ تسديد ديونه المتراكمة بعد فترة ولاية لورنزوا سانز وكيف اثقلت كاهل هـ الرجل الين اتم سداد أكثرها لا وبعد وصل معه الريال الى المرتبة الاولى عالمياً في من ناحية المدخولات .. رغم ان الريال كان وقتها بطل أوروبا لـ الأندية ومع ذلك ما نفعته البطولة ماديه .. فلورنتينو بيريز يا عزيزي اول ما استلم مهمته كـ رئيس عرف ان الكارثه بتحل على الفريق اذا استمر بنفس النهج العقيم في أدارة الأموال .. أول خطوة اتخذها بيع قسم من أراضي النادي لـ بلدية مدريد .. وبخطة اقتصادية محكمة نجح بيريز وانهى الأزمة الأقتصادية الي كانت بتعصف بـ ريال مدريد .. فلورنتينو بيريز الي تشوفه مزور ومستفيد كان تفكيره ان النادي ما يقع أبداً في مثل هـ الأزمة مستقبلاً .. لذلك شفنا مصادر دخل كثيرة منها متاجر النادي الموجودة في العاصمة مدريد .. ومنها خطته الفعالة في جلب النجوم ’ الجلاكتيكوس ‘ الى ريال مدريد .. وايضاً تنظيم رحلات لـ الفريق بنجومه الكبار الى الصين و اليابان و كوريا و أمريكا رفعت بلا شك من مدخولات النادي ولو تلاحظ انها من غير المتجر الألكتروني لـ النادي على الأنترنت و غير المدخول من بيع التذاكر في كل مبارة لـ الفريق على ارضه .. الرجل طلع مصادر دخل آخـرى غير الي كل الأندية تستفيد منها ،،

قلتها قبل .. فلورنتينو رئيس وما فيه اي خوف لأن رجل أقتصـادي ومن أغنياء اسبانيا .. والكلام انه يوكل عمليـات بناء مثلاً الفالديبيباس ’ مدينة ريال مدريد الرياضية ‘ لـ الشركة الي يترأسها شركة ACS غير صحيح ابداً .. بأرجعها بعد شوي عشان أوضح جزئية عن الأرض الضخمة والي يعتزم انشـاء مدريد لاند عليهـا ..

قصة ان الرئيس الفلاني لو مات ولا لو انكسر وما عاد قدر يدير النادي وكيف بيكون تأثيره !! .. اتوقـع تاثيرها كبييير جداً .. كل رئيس له أعتقادات وطريقة عمل ومشروع يهدف لـ بنائه .. لو مات لابورتا بيكون خلا فريق عظيم كل برشلونة تذكره بالخير .. لأنه رجع برشلونة لـ أمجاد وحقق انجازات مو ممكن تتحقق مع اي نادي .. اللاعبين صحيح بذلوا مجهود .. المدرب بذل مجهود .. برضوا الرئيس له مجهود ويكفي توليفة اللاعبين الحالية و الي تعتبر خيالية .. يعني مسألة ان الرئيس هذا راح النادي ما عنده مشكله شي خـآطئ .. عندك مثال على سياسة رئاسية مختلفه بين بيريز و بين سـانز .. الأول مشى على درب سانتياغو بيرنابيو في جلب النجوم الأفضل في العالم لـ مدريد و الثاني على سياسة جلب لاعبين مؤثرين و الأعتمـاد بشكل أكبر على الكانتيرا .. ما فيها اختلاف هذي ؟؟

قطعـة الأرض الي تتكلم عنها .. قلت لك ابي مصدر ما قلت لك تحلف .. قلت ان الكلام هذا عار عن الصحة .. معلومة خاطئه .. لكن انت أرجع وشف وش قلت ؟! انت تقول ان بيريز بآع الأرض لـ شركته

.. والله لو ان ذا الأسبان بنغـاله ما بيكفوشنه

.. يعني شي تفكر فيه بالعقل قبل .. هل الشي هذا يعقل !؟ .. هل يعقل انه يبيع قسم من أراضي ريال مدريد لـ نفسه او لـ شركته وبفلوسها يسدد ديون النادي .. طيب هو وش استفـاد ؟!! طيب اوكي .. حتى لو سواها .. بتكون عملية بيع وشراء .. والمستفيد منها النادي لـ أن فلوسها حلت له أزمه اقتصادية صعبة .. مع العلم ان الكلام الي فوق عن بيع بيريز قطعة الأرض لـ شركته ’ كذب ‘ وانمـا باعها لـ بلدية مدريد .. وبعدها بفترة تم أعادة بناء او بـ أصح انشـاء سيوداد دي مدريد ’ مدينة ريال مدريد ‘ .. الي تشمل العديد من الأشياء اهمها الفالديبيبـاس المدينة الرياضية لـ ريال مدريد والي تقع في نفس الأرض الكبيرة الي يعتزم بيريز بناء مدريد لاند عليها .. هذي صورة توضح لك مسـاحة الأرض الكبيرة والجزء الي يخص الفالديبيبـاس

الموجود بـ الأيطار الأحمر هذي هي الأرض .. شوف المسـاحة الكبيرة الي بني عليها الفالديبيبـاس والي تبلغ 1.200.000 متر مربع .. الشركة الي قامت بتصميم هـ المدينة الرياضية شركة أمريكية فازت بمسابقة الأفكار المطروحة لـ بناء المدينة .. الشركة الي نفذت شركة UTE ..

===

النقطة الثانية .. والي اتهامك فيها واضح أيضاً من خلال تحسين واجهة السانتياغو بيرنابيو وان بيريز طلع بهـ الفكرة لـ تنفيع شركته منها .. رغم ان الفكرة الموضوعه جديدة واسمها ’ غوغنهـايم ‘ والي بتخلي البرنابيو تحـفه معمارية ومن أجمل الملاعب في أوروبا ما ظهرت أي تقارير او اخبار عن أيكـال العمل لـ شركة ACS وما أدري صراحة من وين جبت هـ الكلام لأن الأغلبية ما يدرون عن تفاصيل العمل على هـ الفكرة .. الشيء الوحيد الي نعرفه المهندسين الي بيمسكون المشروع وهم ثلاثه من أفضل المهندسين في العالم 2 اسبـان ولا لهم اي علاقة بـ الشركة المذكورة .. والثالث أمريكي من أصل صيني ويعيش في كنـدا .. يعني لم أقولك عطني مصدر ما انلام لأنه كلام غير صحيح ولا قد سمعته أبداً وانا متابع لكل صغيرة وكبيرة تحدث في فريقي بعكسك انت البرشلوني طبعاً .. الكلام دايماً يكون سهل اذا بأقعد اتخيل أشيـاء وافكر فيها واجي أكتبها هنـا .. والمشكلة قلتها لك في ردي الأول .. ابي مصدر عشان أتأكد لأن الكلام كذب × كذب .. وما اتمنى ان احد يقرا ردك ويمسك المعلومة ’ الخاطئه ‘ أساساً وتصير انت مصدره رغم انك ما تملك المصدر الموثوق !!

===

مسألة ضمـان بيريز لـ القروض .. انا كتبتها في ردي الأول .. وش الفايدة الي بترجع لـ بيريز لو ضمن القروض الي اقترضها هـ الصيف لـ الدخول في الميركاتو القوي ؟! .. ابي شي منطقي موب بزنس يجر بزنس وتدخلني في أمور انا ما تكلمت عنها .. طيب وش يعني هـ الكلام ؟! .. اذا جا موعد السداد وما ساعدته خزينة النادي في دفع القرض بيكعهـا هو من حسابه ولا لك كلام ثاني ؟! .. يعني ما فيه مجـال أبداً لـ الأستقاله الي تقول عنها لو لاسمح الله كان فيه عجز عن دفع المبلغ من النـادي .. لأن الألزام الاول و الأخير بيكون على شخص موب على نادي .. على فلورنتينو بيريز موب على ريال مدريد .. وش دخل البزنس الي يجر بزنس في هذي ؟؟

===

المقارنة في المزانية بين مدريد و برشلونة ما راح أدخل فيها .. راح اتكلم عن عقود الراعية .. في الجمعية العمومية الي عقدت مؤخراً طلع فيه بيريز واعلن عن ميزانية النادي وديونه اوضح ان هدفه الآن تسديد ديون النادي الـ 327 مليون يورو و الوصول بها الى 200 مليون خلال صيف 2010 .. طبعا الفضل الأول يعود لـ تحسن مدخولات النادي 14% عن الموسم الماضي وهي نسبة ميب هينه .. يعني الرجل جالس يشتغل وينوع من مصادر الدخل .. والمفاوضات جاريه مع الشركات الراعية لـ النادي من اجل تحسين العوائد الماليه الداخلة على النادي .. شركة أديداس الكبيرة تدفع لـ مدريد الآن 30 مليون يورو .. وفيه خبر من أكبر صحيفة في أسبانيا وأكثرها مصداقية صحيفة ’ آلبـايس ‘ ذكرت ان فيه مفاوضات بين النادي و الشركة لـ رفع المدخول المادي الى 60 مليون يورو سنوياً .. النادي الآن يملك نجوم كبـار .. قميص أديداس العام كان يلبسه فوبيرت و خافي جارسيا الى جانب طقم العاهات المتواجدة في فريق العام الماضي .. السنة هذي من عندك ؟! .. رونالدو كاكا بيلبسون طقم أديداس .. يعني ظلم ان النادي بطقم العاهات يستلم 30 مليون .. وبطقم النجوم الفايـف ستارز يستلم 30 مليون يورو .. هنا نقطة الخلاف والي بتنحل قريباً برفع المبلغ المالي .. او التهديد بورقة شركة نايكي الي مستعدة تدفع المبلغ هذا ويمكن أزود بعد .. هذا كله من الخبر طبعاً .. وفسخ التعـاقد مع شركة موضوع أكيد فيه شرط جزائي .. واذا تم فسخ العقد من طرف واحد يكون الطرف ملزم بدفع المبلغ المالي الي موجود في العقد .. وش محاكم رياضية و هـ الكلام ؟! اول مرة صراحة اسمع بها

.. ياخي انا منب مرتاح معك ! وبيني وبينك عقد .. وفيه شرط جزائي .. ادفع الشرط واتحرر من العقد ؟ ولا كيف ؟!

.. طيب ليه يحطون شرط جزائي في العقود دام فيه محكمة رياضية بتنظر في العقود وممكن تعاقب الفريق بالهبوط ؟! خخخخخخخخخخخخخخخخخخخخخخخخخخخ

عموماً .. كلمة ’ جاهل ‘ الي قلتها في أول رد لي هنا الحين تأكدت منهـا
لأنك بالفعل جاهل بـ أمور ريال مدريد .. ما فيها شي يزعل !!
انا اجهل عن امور بعض الفرق و أولهم برشلونة ! .. يعني ما فيها شي يزعل
او يحكم انك تكتب لي معلقات عشاني قلت لك جاهل بـ ريال مدريد !

اذا بتكتب رد ثاني وبتعيد نفس السوالف وانهوووو بيريز الذي زرف النـادي واعطى كل شي لـ شركته واستقال وفقع بـ الفلوس خخخخ لاترد لأني ما برد عليك الا اذا عطيتني كلام موثوق وبمصـادر موثوقه .. موب تجيب لي سبورت ولا ألموندو وتقول هـآه هذا مصدر ! خخخخ