السلام عليكم ورحمه الله وبركاته


مع نهايه الجوله الثالثه في دوري زين للمحترفين

تابعت نادينا الهلال ولاحظت الأشياء التاليه ..

مع ملاحظه : اني مااحكم على مستوى الهلال بشكل كامل الا بعد سادس مباراه وأعني ذلك المدرب .

النقاط اللي لاحظتها .

_ من زمان ماشفت الهلال يهاجم عن طريق العمق والاطراف والتسديد المباشر للمرمى .

_ من زمان ماشفت هجووم عنيف وشرس للهلال

_ من زمان ماشفت الهلال يلعب بمحور واحد

_ من زمان ماشفت القوه في التسديد والتسديد المتقن


لكن ياشباب انا اشوف ان الهلال يتسجل فيه اهداف وتجي على مرماه فرص خطيره

زمان ماكنا نشوفها مع المدرب السابق ( مابقول اسمه عشان لاتفهمون غلط )

يعني تحول الهلال من فريق قوي دفاعيا وطريقته دفاعيه الا هلال هجوومي وفاتح اللعب .. اتوقع بعدها تصير مشكله وخلل يربك الدفاع ويتعبهم .

( الحين بكون مدرب )

اتمنى ان المدرب يحافظ على خطته اللي لعب فيها قدام الوحده

بمهاجم واحد لكي يصبح الفريق متواازن في الوسط والدفاع ويساعده ع الهجوم تكتيك المدرب الهجومي ..

لانها صعبه يتحول فريق من دفاعي لهجوومي بهالسرغه لازم التوازن لكي لانخسر مباريات ..

نقطه مهمه

عبدالله الزوري مشروع لاعب ماشاء الله عليه مدفعجي ..

يعني بيذكرنا بالمدفعجي عبدالله الجمعان ..

كل ذا بتكثيف التدريبات ع التسديد وهذي شغله المدرب لو لاحظها في اللاعب .

وأتمنى إن عبدالله الزوري يركز ع التدريب ع التسديدات من كل جهه والتركيز ع العرضيات المتقنه للمهاجمين ..


عبدالعزيز الدوسري ظروري تواجده اساسي بجانب الشلهوب ..

ويكون الشلهوب خلف ياسر ولاعب حر .. والدوسري ع الطرف الايسر مع الزوري

_ دفاع الهلال قوي ولكن مايتحمل الأخطاء اللي يسببها لاعبي الوسط .. او الهجوم المكثف من الخصم .

الصويلح سيكون مفاجأه المووسم .

ماجد المرشدي يقول لك اسطوره الدفاع السعودي صالح النعيمه لاتسرح كثير في المباراه .

سامي _ دامك موجود فقلوبنا مطمأنـه

محمد الدعيع _ لازلت شابا عملاقا

الشلهوب _ فعلا انت موهوب

الاداره _ رايتكم بيضا

الجمهور - عليكم بالحضور خصوصا اغلبكم مأجزين وماعندهم دراسه

والاجواء حلوه.

في احد ردودي قبل اسابيع قلت اللاعب اللي احب اتابعه في فريق غير فريقي هو اللاعب يحي الشهري لاعب نادي الاتفاق

وكافأه بوسيرو بإنضمامه للمنتخب

فعلا بوسيرو يخطط صح