للاسف الجماهير الكويتيه (وليس الكل) جماهير ينظرون للغير بنظرة استعلاء ومتعودين انهم يغلطون يس ماحد يرد عليهم وللاخوان السعوديين معاناة طويله معكم واعتقد جاء الوقت الي لازم تحاسبون فيه انفسكم وتعاملون العالم مثل ماتحبون انهم يعاملونكم

الاخت الكريمه الكويتيه قالت

إقتباس عندي نقاط كثيرة و اسئلة كثيرة واتمنى ان القى لها اجابة شافية ووافيه أولا: احنا متوقعين عقوبة .. وما نعارضها خصوصا اذا كانت عقوبات تأديبية.. لاننا غلطنا واحنا ما ننكر هالشي وانتو كذلك غلطتوا ولا تنكر هالشي ! لكن اللي ما كنا نتوقعه ابدا ان تكون هذه العقوبات للانتقام ولتصفية حسابات مع بعض الرياضين الكويتيين .. والله يرحمك يا شهيد انحياز واضح .. ومؤامرة مخطط لها بدقه ..وهذا الشي اصبح واضح واللعبة اصبحت عالمكشوف!!

زين انك اعترفتي انكم غلطتوا واقعيا انتم ماغلطتوا انتم ارتكبتوا جريمه في حق لاعبين ضيوف في بلدكم ووفي رمز من رموز الدوله فماذا بالله تعتقدين يكون رد الاتحاد الاسيوي ( يعطونكم ورود ) !

تحمدون ربكم انها جات على ثلاث سنين والا لو السد رفعها للفيفا لكانت العقوبات اشد واصرم من ذالك وبلاتر نفسه انصدم يوم شاف شريط الفيديو

واقول انا موافقك في (الشهيد الله يرحمه ) كان واسطتكم الكبيره يوم انتوا تمردغون العالم وهو يتوسط ويطلعكم منها وكان صاب كل حقده على السعوديين لانهم ما يرضون بالغلط على لعيبتهم

وبعدين تقولين انحياز واضح !!

اي انحياز انتم اعتديتوا على لعيبتنا في ارضكم والي دافع عن نفسه طردوه الاتحاد الاسيوي والحين خمسه من السد مطرودين مجاملة لكم

إقتباس ثانيا : القادسية متصدر المجموعه والوحده الثاني بفرق نقطه وحده .. السد فقد فرصته في التأهل من خمس مبارايات لعبها وما سجل فيها الا هدف واحد! العقوبات بعد مباراة السد والوحده وبعد هذا التعادل فقد فرصته نهائيا .. والاتحاد الاسيوي لم يُدرج مباراة القادسية والوحده في موقعه من بعد الهوشة.. وافهم يا فهيم!! الوحده ماله شغل بالمشكلة اللي صارت .. بينما العقوبات على القادسية هي اول عقوبات من نوعها في العالم!! عاشت النزاهة والعدالة يابن همام!!

اصلا العقوبات مالها شغل بالنتائج فهم لاينظرون لنتائج الفريق حينما يصدرون عليه عقوبه والقادسيه هو من قلب نتائج المجموعه بافعاله الرعناء والهمجيه للاسف وشئ تلغائي جينما يشطب فريق ان تشطب نتائجه

اما من ناحية ان الوحده انظلم فالوحده ما انظلم ولاكن الوحده كان معتمد اعتماد كلي على نتائج فرق المجموعه حيث انه اضاع عدة مباريات ولم يقز فيها ولو انه فاز عى السد في ابوظبي لما انتظر نتائج فرق المجموعه

اذن الوحده هو من وضع نفسه في هذا الموقف الحرج والاتحاد ليس مسؤل عن نتائج الوحده

إقتباس رابعا : اداري نادي السد واللي تم طرده من المباراة لانه دخل غرفة الحكام بين الشوطين وامام مرأى ومسمع من الجميع طالب الحكم بأن يفوز السد بأي طريقة وهدده بابن همام.. على الفكرة ..اسأل الحكم!!!

هههههههههه

اول مره اسمعها هذي

ممكن تقولين اسم الاداري هذا ومن وين جبتي ذا الكلام

المصدر لو سمحتي

إقتباس خامسا : تصرفات بن همام .. وتصريحاته .. ان دلت على شيء فهي تدل دناءة هذا الرجل .. يدعي العدل وهو كاذب وظالم .. طيب شنو اللي دخل النادي في المنتخب والاولمبي !! وشنو اللي دخل الوحده في القادسية والسد!! لكن والله الشرهه على اللي خلاه يصير رئيس وهو والله مو كفو ومو قدها! والله حسيبه وكل ظالم له يومه والله لا يوفق الظالم في حياته لا في الدنيا ولا الاخرة!!

ارجوا يا اختي الكريمه ان ترتقي بطرحك

ولا تقذفي الرجل بالكذب والظلم بدون بينه

وانا على فكره انا ماني هنا علشان ادافع عن بن همام والا غيره لان الي وافق وايد على هذي القرارت هي اسيا بكبرها من اليابان الى السعوديه بقيادة (نواف الدبل) ورئيس لجنة الانظباط هو ال خليفه من البحرين

اما الي اعترضوا على القرار فهم فقط اثنين واحد عراقي والثاني عماني

واخيرا تعتقد ان الجماهير الكويتيه والاعبيين والاداريين عليهم ان ياخذون درس من هذه الاحداث ويحترمون اشقائهم الخليجيين ولاينظرون للناس بنظرة استعلاء