يا جماعة هذا اتحاد يفشل والله
ولو انه عندنا كان انتقدناه
وكنا دائما ننتقد الاتحاد السعودي عشان قراراته مهيب حازمة واخرتها مباراة الاتحاد والاهلي الاخيره
والحين ننتقد ونقول تصرف الاتحاد الكويتي صح
المفروض لو سواها الاتحاد الكويتي يصك منخبهم بوقف سنتين بعد
اللي شاف احداث المباراة يعرف ان هذي ما صارت كرة قدم ابد ولا حتى مصارعة هذا ارهاب واستغلال وقذارة من نادي معروف بها المواقف حتى الهلال كلها منه في كاس اندية الخليج ايام يوردانيسكو وكلنا نتذكر سامي يو تلابش مع رئيسهم القذر
عموما في كل الاحوال المفروض مثل هالحركات تقابل بحزم مبالغ فيه بعد لانه استشرى وفينا يالعررب بالذات
وبالنسبة للي يقول ان بن همام قطري اقول احسنوا النية لان ابن همام ما قال لهم سوو هالحركات والطق والرفس الله لا يبلانا وبعدين فيه اربعة قطريين موقفين حتى مع منتخبهم وبعد لا ننسى ان اللجنة اللي وصت بالعقوبات مهيب برئاستة برئاسة بحريني ولا فيها اي عضو قطري والاتحاد الاسيوي اقرها فقط وعلى فكره هالاتحاد نائبة كويتي (اسد تقي) ولا قدر يسوي شي لان الحقائق واضحة وكان فيه اجماع
كلمة اخيرة: اول ما صارت الاحداث كنا نقول يالله هذا اختبار للاتحاد الاسيوي اللي ظلم الهلال يثبت موقفه ويحزم ويوم حزم قلنا عشان السد وقطر ووووووووووو والله كلام فاضي حتى اللي قال انهم انتظروا لين لعب الاولمبي الكويتي مع السعودي وبعدين وقفوهم اقول هذا الايقاف ما ينطبق على هالمباريات الا اذا اقر الاتحاد الدولي العقوبات اللي فرضها الاتحاد الاسيوي ورفعت له
قليل من الانصاف يا جماعة وعينوهم على اجتثاث هالحشرات اللي يشوهون الملاعب والاخلاق وادعوا ان اتحادنا يصير ربع الاتحاد الاسيوي ويترك المجاملات ونظرية ارضوا هذا ولا تزعلون هذا
والسلام |