25/09/2009, 11:04 PM
|
 | مشرف سابق بمنتدى الرياضه العربيه والعالميه | | تاريخ التسجيل: 30/08/2003 المكان: الرياض
مشاركات: 7,618
| |
س\ البرشا يدخل الجولة الخامسة على آرض ملقا ! ، ملقا في المركز 17 و البرشا متصدر ! ، رايك في المباراة ؟! ما أتوقع ان البارسا راح يواجه مصاعب في المباراة .. المشكلة تبقى في أمرين .. الأول هو الإرهاق واللي الحمد لله ماشفناه في لاعبيننا وان شاء الله مانشوفه بتاتا .. والأمر الثاني هو الاستهتار .. من جاء قوارديولا وهالشي الحمد لله ماصرنا نشوفه ابد ومافيه تعالي على المباريات على عكس ايام ريكارد اللي كنا نشوف فيه بعض اللاعبين مايأدون الأداء المنتظر منهم أمام الفرق المتوسطة المستوى واحيانا الفريق بشكل عام مايكون في الفورمه .. وهالشي اختفى كليا مع قوارديولا وصرنا نشوف نتائج كبيره لأن الفريق متعطش للأهداف ويبغى يفوز وكل لاعب وده يجيب هدف .. التراخي يدخل ضمن الاستهتار لكنه بدرجة أقل .. اللاعبين تراخوا حبتين في آخر لقائين في فترات من الشوط الثاني .. لكني متوسم خير بتوريه المتوقع اشراكه أساسي بهالمباراة ووقتها ما اتوقع اننا راح نشوف تراخي في الوسط الدفاعي والدفاع برضو .. كون كيتا كان مساند هجومي وبوسكيت مساند دفاعي في المباراتين الاخيرتين .. ملقا فريق عنيد بعض الشيء على ملعبه لذلك ما أتوقع الفوز بمستوى كبير كالعاده .. ولو اني أتمنى هالشي بطبيعة الحال .. س\ " آيبرا " تم آستدعاءه لـ مباراة ملقا ! هل تؤيد مشاركته آم آراحته ؟!
أتمنى من قوارديولا يلعبه بعد ربع ساعه من بداية الشوط الثاني .. ما أفضل بتاتا انه يلعب في بداية المباراة أولا لأنه لسى ما تمرن كويس وما ريْح من عقب الاصابه ولا تمرن الا يوم الجمعه الصباح واعتقد المساء .. لذلك انت قدام ملقا تحتاج لاعب ماهو منهك ولاهو توه راجع من اصابه لأنه بتحتاج الاهداف وهالشي موجود عند ميسي اكيد وموجود برضو عند هنري وبرضو اينيستا لو بيلعب مكان هنري .. في الشوط الثاني بعد فتره من بدايته تدخل ابرا لأن الفريق الثاني منهك وفريقك يلعب بكل قوته واللاعبين تحصلهم أخذوا على المباراة يعني بالتالي ماراح يواجه ابرا صعوبه في وصول الكوره له خصوصا بعد ما يفك اكزافي شفرة الدفاع طبعا .. برضو ودي ان ابرا يكمل مسيرة التهديف وتحطيم الأرقام .. توه محطم رقم قياسي ماشاء الله وبإذن الله تتوالى الأهداف وتحطيم الأرقام منه ومن غيره في الفريق .. س\ في حال عدم مشاركة " إيبرا " كـ آساسي ، من تفضل آن يكون رآس حربة ؟! و\ كيف يكون شكل الهجووم ؟! الأكيد ان هنري راح يكون راس حربة ومكانه ممكن يكون اينيستا .. برضو اتمنى ان هنري يلعب بهالمركز .. صحيح انه مب متعود عليه لكن برضو ودنا يرجع للتهديف اللي تعودناه منه .. س\ هل تفضل مشاركة " ديمترو " كـ آساسي ؟! و على حساب من ؟! والله ودي يلعب أساسي مكان بيكيه .. واتوقع منه تقديم مستوى كبير برضو بإذن الله .. مباراة الاتلتكو ماكان زي المباارة اللي قبلها لكنه ماكان سيء برضو .. أصلا الاتلتكو ما كان الخصم الشديد داخل الملعب وأخطاء لاعبي الوسط بذيك المباراة وعدم تواجد توريه للتصحيح كان وراء الهدفين .. س\ التشكيلة الآفضل لـ المباراة ؟! فالديس ماكسويل .. بويول .. تشيغرنسكي .. الفيس كيتا .. توريه اكزافي اينيستا .. هنري .. ميسي س\ نتيجة المباراة ؟! مسجلي الآهداف ؟! 4-0 بإذن الله ميسي - اكزافي - ميسي - هنري < نقول بالترتيب ان شاء الله  |
