نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

كيفي كويتية · #8 09/05/2004, 01:14 PM

[ALIGN=CENTER]السد الكبير

عندي نقاط كثيرة و اسئلة كثيرة واتمنى ان القى لها اجابة شافية ووافيه

أولا: احنا متوقعين عقوبة .. وما نعارضها خصوصا اذا كانت عقوبات تأديبية.. لاننا غلطنا واحنا ما ننكر هالشي وانتو كذلك غلطتوا ولا تنكر هالشي !
لكن اللي ما كنا نتوقعه ابدا ان تكون هذه العقوبات للانتقام ولتصفية حسابات مع بعض الرياضين الكويتيين .. والله يرحمك يا شهيد;)
انحياز واضح .. ومؤامرة مخطط لها بدقه ..وهذا الشي اصبح واضح واللعبة اصبحت عالمكشوف!!

ثانيا : القادسية متصدر المجموعه والوحده الثاني بفرق نقطه وحده .. السد فقد فرصته في التأهل من خمس مبارايات لعبها وما سجل فيها الا هدف واحد!
العقوبات بعد مباراة السد والوحده وبعد هذا التعادل فقد فرصته نهائيا .. والاتحاد الاسيوي لم يُدرج مباراة القادسية والوحده في موقعه من بعد الهوشة.. وافهم يا فهيم!!
الوحده ماله شغل بالمشكلة اللي صارت .. بينما العقوبات على القادسية هي اول عقوبات من نوعها في العالم!!
عاشت النزاهة والعدالة يابن همام!!

ثالثا: اداريين نادي القادسية بريئين من كلامكم .. والصورة هذي هي لحارس البوابة !
الكل شاف طلال الفهد والاداريين ورجال الامن وهم يهدون الجماهير!!

رابعا : اداري نادي السد واللي تم طرده من المباراة لانه دخل غرفة الحكام بين الشوطين وامام مرأى ومسمع من الجميع طالب الحكم بأن يفوز السد بأي طريقة وهدده بابن همام..
على الفكرة ..اسأل الحكم!!!

خامسا : تصرفات بن همام .. وتصريحاته .. ان دلت على شيء فهي تدل دناءة هذا الرجل .. يدعي العدل وهو كاذب وظالم .. طيب شنو اللي دخل النادي في المنتخب والاولمبي !! وشنو اللي دخل الوحده في القادسية والسد!!
لكن والله الشرهه على اللي خلاه يصير رئيس وهو والله مو كفو ومو قدها!
والله حسيبه وكل ظالم له يومه والله لا يوفق الظالم في حياته لا في الدنيا ولا الاخرة!!

سادسا: تقول ان قوات الامن كانت ضد السد .. وانت والله تكذب في كلامك !!
ما ادري شنو تبي رجل الامن يسوي .. لما يجيه كيتا ويضربه
هل يسكت له
ما ادري شنو تبيهم يسوون لما لوبوف .. ياخذ العصا منهم ويضربهم ويضرب اللاعبين!!!

كيتا سبب المهازل من المباراة الاولى .. ليش ما وقفه بن همام؟؟؟
عشان السد دفع 5 ملايين اللاعب و حرام يخسر السد!!!!!!!
سلملي على النزاهة بس!!!

سابعا: رايحين تقصون على العالم بشريط مسوين له مونتاج.. ومسوين الغلط كله علينا .. فقط لتشويه سمعة الكرة الكويتية والنيل منها .. لكن والله ثم والله انها بعيدة عن شارب بن همام واشكاله!!
ومثل ما قال رئيس جمعية الصحفيين امس .. والله لو وقف بن همام الف لاعب راح ناخذ بطولات رغما عن انفه

والله اصبحت اشك في عقل كل من يقول ان العقوبات نزيهه!!!!

عموما .. انا لست ضد العقوبات التأديبية .. لكنني ضد العقوبات المنحازة والانتقامية!!!!!! وانا ضد من يستخدم مثل هذه العقوبات لاغراض شخصية!!!

سلام

[/ALIGN]