والله يا فيه ردود من جد تحوم الكبـد فيه رد واحد بأعلق عليه .. لأني اشوفه يناقض الحقيقة و الواقع !
قبل كل شي ما فيه نادي في العالم موب مديون .. هذا موب عيب عشان يتخبـى ولا ما كان صرح بيريز بقيمة ديون النـادي وميزانيته .. شي عادي يعني لاتسويه شي كبير وهو ما يستـاهل !! .. بالنسبة لـ قطعة الأرض .. ياليت تجيب مصدر لكلامك لأنه كذب وتلفيق .. قطعة الأرض الي تقول عليها مملوكة لـ النادي !! .. وانشأو عليها الفالديبيبـاس ان كان تعرفه طبعاً .. وبقية الأرض بينشـأ عليها ’ مدريد لانـد ‘ وهذا مشروع بيريز في فترته الأولى وما كمل لأنه أستقـال والآن ان شاء الله بيكمله .. المشـروع بيكون اضافة قوية لـ ريال مدريد على مر الأجيال وبيكلف مافيها شك لكن بيـدر أربـاح خياليه مو ممكن احد يتوقعها .. التوقعات ان 2 مليون زائر راح يـزور الحديقة خلال السنة الواحد .. يعني 2 مليون تكيت وعليك الحساب اذا كانت قيمت التذكرة 50 يورو هذا غير الألعـاب و المطاعم !! .. ما تنلامون فكرة جديدة ودايم احنـا يالشعب العربي نستنكر اي فكرة جديدة .. عموماً ..قصة القروض معروفه .. بيريز اخذ قروض من البنوك و الضمـان هو شخصياً وليس ريال مدريد لأنه شخص معروف ومن أكبر تجـار اسبانيا و رئيس مجلس أدارة أكبر شركة مقاولات في أسبانيا و ثالث شركة في العالم وثروته فـي الأصول وصلت لـ مليـار و 800 مليون .. هذي أصول ترا موب حساب بنكـي يعني الرجال يعرف وش يسوي ومو محتـاج نصايح بطله من الأعضاء الي يفكرون هنـا بطريقة مرررررة حلوة .. بعدين اذا اخذ القروض على ضمانته المالية الضرر الأول بيكـون عليه ! الا اذا انت ما تعرف في اصول التعاملات البنكية وجـاي تتفلسف علينا هنا وكأنك رئيس مجلس أدارة بنك .. اذا اخذ قرض وضمنه بفلوسه ما راح يسددها الا فلوسه طبعاً اذا وصل وقت الدفع وكان النـادي عاجز عن تغطية الديون وهذا شي مستبعد ! شوف يا بطل .. تفكير بيريز في التعاقد مع النجوم السوبر ستارز له مصلحتين جيدة لـ النادي .. أولها تقوية لـ الصفوف وتعزيز فريق بيكون منافس على البطـولات في أسبانيا و أوروبا .. الهدف الثاني هو رفع مدخولات النادي الى 500 مليـون يورو .. وهذا التارجت المجنون الي حاطه بيريز من ورآ هـ التعاقدات لأن فيـه شركات رعاية بترفع العروض بلا شك او يتم فصخ التعـاقد معها و أولهـا اديداس والي تعطي النادي الآن 30 مليون يورو وطلب بيريز رفع المبلغ الى 60 مليـون يورو .. بعد فيه ميديا برو الي رآح يتفاوضون معها على رفع المبالغ رغم ان العقد الي معهم على مدار سبع سنوات وبـ قيمة مليـار و 200 مليون .. فيه الشركات الراعية الأخرى مثل Biwn والي الآن بصدد رفع مبلغهم المالي لـ يصبح أغلى اعلان على قميص نادي في أوروبا .. ما ألومك على ردودك لأنك جـاهل بـ خفايا ريال مدريد !! بس اتمنى المرات القادمة تحاول تتأكد من معلوماتك المغلوطة .. مو حلوة واحد يقرأ كم كلمه هنـا ويصير يقولها في كل موضوع وفي الأخير انت مصدر كلامه . شكراً صاحب الموضوع وأعـانك الله على الردود المُقرفة !
