نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - جوع واسى وفقر وعطالة وحاجة (فأصبحك يومك يوم حزن ياوطن لا يوم عيد)

إيقاع المطر · #14 25/09/2009, 05:57 PM

وعليكم السلام والرحمة

الله يعطيك العافية الهلالي تناولت موضوع حساس جدا
انا اشوف ان باقي المملكه ما تأسست

المملكة تحتاج سنوات طويله من الاصلاح على كافة المستويات

لازلنا نعتمد على الواسطة في الجامعة والوظيفة والمعاملات الحكومية و كافة الاصعدة
وهذا ما يدل الا على الفساد الاداري الطاغي على الكل ..
و الدوائر الحكومية اصبحت في خدمة البيوقراطية وليس المواطن

اما الشايب المتقاعد الله يكون بعونه ومن هو بحالته

في دولة تملك ثلث احتياطي العالم من البترول
و مساحة تتجاوز مليونين كيلومتر
يصبح هم المواطن هو سكنه ! فعلا شئ مؤسف

اخونا اللبناني بيتوقع ان حنا قضينا على فقر اخر مواطن سعودي لما يسمع عن التبرعات المتواصله للبلد الشقيق .

اما نظام الجامعة المستحدثة بصراحة غريب يعني حنا ما نقدر نتطور بدون اختلاط !
ابي اعرف بس وش الهدف من الاختلاط ..

اما الطلاب كونهم الاجانب معهم حق واؤيدهم بصراحة .. خصوصا ان صار مركز ابحاث وبيفيد المملكه اولا

لان السعودي اخر واحد تحطه يتعلم انا ما اتكلم من فراغ انا توني متخرجه واعرف زين ان الطالب السعودي مستعد للدراسة كحفظ و تسميع واختبار وشهادة مو اكثر

اما انه ياخذ ويعطي ويجيب شئ جديد فهذي بعيييده

العيب مو كله بالطالب .. المعلم السعودي هو الي زرع هالمفاهيم بالطلاب
انا في فتره التطبيق عشت دور المعلمه بالكامل طبعا تحت اشراف معلمه صدقية

, لما احاول اجيب معلومة خارجيه كانت تنتقدني
تقول لي انتي كذا تشتتين الطالبة !!

وتقول لي المطلوب بس توصلين الدرس الممل الي بالكتاب بكامل فقراته !

اما اني اشجع الطالبات على البحث عن المعلومه هذا غلط لأن الطالبة عليها من الكتاب وبس >> واضح اني حاقده عليها

طبعا مو كل المعلمات كذا بس الغالبية العظمى ..

ولا تتوقعون اي تطور اذا ما تغير المعلمين .. وظفونا حنا وشوفوا وش نسوي

شكلي اخذت راحتي بزياده واسترسلت بعييد

اعتذر عن الاطاله والف شكر