السلام عليكم ورحمة الله وبركاته
هارد لك شباب التعادل
صحيح ان المباراة انتهت بالتعادل لكن استمتعت كثير بالمباراة كان فيه تنافس كبير بين الفريقين وتبادل بالهجمات
يسلام عليك يا ماركيزيو كل يوم يثبت انه قادم وبقوة هذا الموسم الاعب هذا يتطور مستواه من مباراة لمباراة وواثق بنفس وممتع بنفس الوقت بس الله يستر وان شاء الله تكون اصابة بسيطة الفريق بحاجته واشوف انه هو قائد الوسط بعد دييقو
بوفون كالعادة رقم واحد حاضر ولا ينتظر صافرة الحكم وكان حصن منيع وما يتحمل الاهداف الي دخلت بمرماه
قروسو / جراجيرا / كيليني / 33  | إقتباس |  | | | | | | | | | | - خطأين دفاعيين متزامنين (سوء تغطية الظهير - وعدم وجود الرقابة اللصيقة داخل المنطقة) هي اسباب كل هدف من اهداف الليلة ..!! | |  | |  | | وكان فيه اندفاع مبالغ فيه من كيليني لدرجة انه يوصل لمنطقة الخصم صراحة 33 كان اهداء منه
بولسن مستواه متذبذب بالمباراة
ميلو مستواه حلو اذا اخذنا بالاعتبار انه راجع من اصابة ومباراة قوية وتحتاج الى مجهود كبير بس يقهرك في حاجة وحده بعض الاحيان يتاخر في التمرير خصوصا اذا كانت هجمة مرتدة ويحاول يسحب في مناطق خطرة
اماوري سيء بالمباراة هذي مادري وش السبب اصبح يقتل الهجمة وانا مقدر حالته النفسية وغيابه عن التهديف بالمباريات الرسمية لمدة طويلة لكن انك تكون سبب في قتل الهجمة فهذا غير ايجابي ويضر الفريق ولازم ينتبه ان هناك لاعبين اخرين ينتظرون الفرصه واتوقع اماوري بالفترة القريبه راح يفقد مكانه الاساسي
تريزيقول في ثلاث مباريات سجل هدفين وهذا المهم والمطلوب من المهاجم الاهداف وهذا شي ايجابي ومؤشر على عودة تريزيقول صحيح تريزيقول لم يظهر بمستوى طيب بالمبارتين الماضية لكن في هذي المباراة كان حاضر وبقوة
جوفينكو الملاحظ عليه انه اذا كان بديل يبدع اكثر من انه يكون اساسي وهذا يرجعنا الى الخلف قليلا وسالفة ياكوينتا ودكة الاحتياط بالمواسم الماضية كان يقدم مستوى رائع كبديل لكن اذا جته فرصة المشاركة اساسيا يخذلنا وهذا يرجع الى ان الاعب بحاجة الى لعب اكثر من مباراة متتالية وهذا ماحدث بالدور الثاني بالموسم الماضي ياكوينتا اخذ فرصته كاملة واستمر بالعب والى الان مستواه ثابت وكل مباراة يسجل هدف لكن المشكلة ان سيبا بالوقت الحالي صعب ياخذ مكان اساسي ويلعب مباريات متتالية خصوصا انه يعتبر خيار ثاني بعد دييقو
ياكوينتا مستوى ثابت حتى الان ومازل يسجل ويعمل المطلوب منه بس يعاب عليه الاستعجال في بعض الكرات او استخدام قوة مفرطه من باب الحماس الزائد وياليت بعض لاعبي الفريق ياخذون من حماسه شوي
كامو مادري احس انه ماقدم مستوى يظهر بشوط ويختفي الشوط الثاني وهذا واضح بالمباراة هذي والمباراة السابقة يقدم شوط ممتاز لكن الشوط الثاني يتنرفز وبيداء يخرب على الفريق يعني حتى الان كامو لم يقدم مستوى في جميع مشاركاته الا بشوطين في مباريتين مختلفتين (الشوط الاول في مباراة ليفورنو/جنوى) اتوقع مثل اماوري بالفترة القريبة ممكن يفقد مكانه الاساسي في ضل ابداع ماركيزيو وعودة ميلو وتياقو من الاصابة
نقطة مهمه بالمباراة | | إقتباس | | | | | | | | | | | ما زالت مشكلة الأطراف موجودهـ و الهدفين أكبر دليل و المشكله الأهداف لدغات و في أوفات مخيفه | | | | | | | صادق اخوي تركي واتفق معك بالنقطة هذي
هارد لك شباب مرة ثانية
تحيتي لكم
اخوكم ومحبكم (10بيانكونيري10)
اخر تعديل كان بواسطة » U V في يوم » 25/09/2009 عند الساعة » 08:22 AM | 