حرااام والله حرااام ...

والله كنت متشائم من هالمباراة ، و قلت ترى خيخون يخوف لكن احنا بعد ضيعنا ثلاث نقاط كانت باليد ...

مطرود لاعب من نص الشوط الأول و لا عرفنا نفوز ...

المباراة على أرضنا و بين جماهيرنا ...

مويا هذا شيبي ، الهدف الأول تغطيته سيئة ، و الهدف الثاني هذا أعظم ، يا أخي مو عارف تطلع خلك مكانك و لا تطلع و توقهنا و يجي هدف ...

أقول بس خلونا على سيزار الشايب أحسن لنا ...

إيمري ، الحين هم ناقصين لاعب ، و أظهرتهم مكشووووفة ، عرضيات زحمة و كلها عقيمة ، يا أخي دخلت زيغيتش و إن شاء الله بيجيب هدف بسبب طوله ...

تغييرات إيمري ، ما أدري شلوون ؟؟

يا أخي المباراة على أرضك ، هاجم و وسع الفارق ، لا تجلس تغير لي تغييرات غريبة ...

شكله فرح بهدف فيا ، و ضمن المباراة ...

العام هزمونا و السنة تعادلوا معانا و يمكن لو كاملين هزمونا بعد ...

والله إني اقتهرت و طلعت للشباب و نفسي في خشمي ، و لا لي نفس ...

آآآآه ، مباراة كنت في يدنا و كان ممكن نلحق المتصدرين و نفوز بنتيجة و نخلي هالعثرات حق قدام ، حق الريال و البارسا ...

هزمنا إشبيلية ، و فزنا على بلد الوليد في أرضه ، و الحين قدام خيخون نتعادل في أرضنا و هم ناقصين ...

إن شاء الله نعوض قدام خيتافي و نفوووز مع إني أشك بصرااحة خصوصا إن خيتافي عنيد جدا في أرضه ...

إن شاء الله تكون فقط كبوة جواد ...