السلام عليكم
وجمعه مباركه خخخ ..

اولا مبروك ال 3 نقاط مع انها متأخره .. وبدايه قويه للفريق في البطوله الاغلى ويارب تكون بدايه قويه لنهايه اقوى واجمل واحلى برفع البطوله الاروبيه ! ..

المباره كانت سهله جدا بعد تقدم الريال بثلاثيه نظيفه ..
ولكن الحكم وخروج الونسو صعب المباره قليلا ثم سهلها رونالدو بصاروخ على المزاج والي ماننكر فضل الحارس جزاه الله خير ..

الحكم كان عليه مليون علامه استفهام وزيها تعجب ! ..
لاعبيننا ينضربون والحكم احيانا ماكان يحسب فاول ! .. وفريقنا بأي احتكاك يتحصل على كرت على طول ! ..
بصراحه امر ينرفزك بشكل كبير اجل عدد كروت الي تحصل عليها الريال اكثر من الي تحصل عليها الفريق السويسري مع انه كان يضرب اكثر ويعرقل اكثر واكثر !! ..

بصراحه امر مستغرب ومثير للجدل بصراحه .. وزي ماقلنا من تصااريح بلاتيني ! ..
اي خطأ تحكيمي او ظلم على طول بيتهم بلاتيني وهذا ماصار وشفنا صحيفه الماركا والاس كيف اطرته مع ان الفريق كان فائز اجل وشلون لو انهزم ؟ ! ..
ونفس الشيء صاير مع فلورنتينو بيريز وهو يحاول انه يدعو بلاتيني ويرجع العلاقات لان الفريق مهو ناقص زود ماهو مضغوط انه ينضغط زياده ويدخل كل مباره وهو براسه ان الحكم بيكون ضده ومابينصفه ! ..

عموما نتمنى ان بيريز يحسن علاقته مع بلاتيني ظاهريا حتى ! ..
على الاقل نخرج فكره ان الحكام ضدنا في كل مباره !

نقاط في المباره :

درينثي ..
لو استمر على المستوى هذا بيركن مارسيلو في الدكه بالراحه ! ..
واذا استمر وطور نفسه اكثر من الناحيه الدفاعيه والعرضيات الخايسه حقته بيصير احد افضل الاظهره بالعالم بدون مبالغه ! .. وزي ماكنت اقول
درينثي لاعب يمتلك جميع المقومات الي تجعله احد افضل لاعبين العالم من سرعه وقوه بدن وتسديد قوي ولكن ينقصه شيء بسيط ومهم جدا الي هو العقل خخخ .. والظاهر ان مع بيلغريني بدا يطلع معه

غاغو ..
الظروف ماخدمته ابد انه يبدع ويدخل جو المباره بشكل جيد ! ..
دخل وشوي الفريق ينصك بهدفين ! .. اكيد بيكون الفريق مهزوز ككل ومالومه على مستواه ابد ( مع اني بصراحه تفائلت فيه بعد المباره مدري ليش خخخ ) وخاصه انه له فتره وماشارك مع الفريق لا في وديات ولا في ال3 مباريات الرسميه ! ..
عموما الفرصه جاته انه يثبت بأنه يستحق البقاء ويكون افضل بديل لتشافي في المبارتين القادمه ! .. وهذي افضل فرصه لغاغو انه يثبت نفسه لبيلي ويقول له انه موجود !
وعاد ماظن ان المهمه بتكون صعبه على غاغو مثل اول بوجود لاعبين يعرفوا يتحركوا بدون كوره ويعطون لك حلول كثيره للتمرير .. وبصراحه متفائل به

راؤول ..
زي مااننتفه ونهزئه واحيانا نتمنى انه يصاب ..
ولكن بصراحه راؤول مقدم مبارتين على اعلى مستوى كأساسي ومباره جيده كأحتياطي ! ..
نشوفه في كل مكان يقطع يمرر يشوت يسجل يعرف وين يتمركز ويعرف وشلون يسحب مع المدافعين ! .. وبصراحه الى الان ( مع ان بدري جدا جدا وماننسى الرود كمان ) راؤول افضل المهاجمين واكثرهم فائده للفريق في الثلاث مباريات الماضيه ! .. ونتمنى ويارب يستمر على هذا المستوى مع اني اشوفها شوي صعبه ..

غوتي ..
هنا تقدر نمدح غوتي عن حق اكثر من المباره الماضيه ..
ادا دوره وسجل هدف الله يجزيه خير .. مهو ملعبينه محور وكاشت قدام عند كامني ..
ولكن برضو مع كل ذا اتمنى انه يموت ..

بيليغريني ..
المباره كانت سهله بالنسبه له وبمجهود الاعبين وحماسهم قدر يفوز ! ..
ويحسب له نقلات الفريق واللعب من لمسه وحده وايضا لقطه الهدف الثاني الي تكررت اكثر من مره .. شغله بدا يظهر على الفريق بعدم تمركز الاعبين في مراكز معينه وبيظهر اكثر واكثر وبيكون اصعب اكثر واقوى ومدمر وبتختفي اللخبطه وتداخل الادوار اذا ماوصل الاعبين الى مرحله التجانس والتعود الكلي على التكتيك ..
بالنسبه للتغيرات ! .. اشوف انه ماخطأ بدخول غاغو انما ادخل لاعب مكان لاعب بنفس الادوار الدفاعيه والهجوميه وخاصه ان الونسو اصيب وفريقك فايز 3 وماتحتاج انك تغير من تكتيكك ! .. لاعب بلاعب ..
اذا كان فيه ملاحظه هي خروج هيغواين والي كان افضل انه يخليه يلعب 90 دقيقه ! .. والتغير الاخير مدري وش يبي محتفظ فيه خخ كان على الاقل اعطى الفرصه لفان قول ..

قصي خخخ
ولكم باك يالظريف خخ