جابر عثرات الهلال : اخاف الجمهور يقول لك العجاجي وتروح فيها !!
.. مشكور على مشاركتك ..
@@
شيروكي : مشكور وماقصرت .. وهذا العشم بجمهور الزعيم ..
وبالنسبة لدفاعي عن المصيبيح لاننا في الهلال تعودنا على البكاء على رحيل المميزين .. ولا نفقد المميز الين نطفشه ونخليه يكره نفسه ... بعدين نقول الله يذكر ايامه بالخير ..
وفهد صدقني من النوع اللي لو يصد عن ادارة الكرة ماعاد يرجع لو يعرض عليه مال قارون ..
فهد راعي مبدأ يحب عمله ..
يجي محترم ويغادر محترم .. والله يعيننا على فرقاه !!!
@@
وااازعيماه : مشكور على ردك المميز ياغالي
@@
ارفع راسك انت هلالي : هلا وغلا .. ونواف مميز دائماً ..
@@
الصوت الازرق : شاكر لك مجاملتك .. ما قصرت ..
@@
مجنون يوسف : هلا بك .. تدري عاد ان رايكم مهم جداً .. خصوصا انك (( مجنون يوسف )) .. ولانك مجنون يوسف فيفترض انك (( تحقد)) على المصيبيح لانه (( على كلامهم)) وقف يوسف في مباراة الاتحاد في كاس ولي العهد ..
عزيزي .. يوسف يقدر المصيبيح كثيراً .. ولا تنسى بطولة اسيا بالدوحة عام 1412 هـ .. وكان نجم البطولة يوسف وكان فهد هو اداري الفريق في تلك البطولة ..
صدقني اني مبسووووط جدا برأيك الرائع ..
@@
الاولاني : جل من لا يخطي
... حبيبي الاولاني .. ردك غريب جدا جدا .. وتفصيل الرد سطر سطر يجعلني اكتب الى باكر ..
الاولاني .. تقول نواف ((( يعاني نفسيا بسسب صفوق ومحمد ))) !!!!!!!!!!!!!!!!!!! حبيبي اختلف معك جملة وتفصيل ودفة وأصيل ...
شطحت بعيد الله يهديك .. المعاناة النفسية التي تتحدث عنها تهدم ولا تبني اللاعب .. والمعاناة اذا تواجدت في شخص تجده يسير الى الهاوية .. لا تجده يعتلى قمم المجد والانجازات ..
اذا كان نواف وصل الى ما وصل اليه بوجد هذة المعاناة النفسية فياليت كل لاعبيننا يعانون نفيساً مثل نواف .. بشرط ان يتصفوا بصفات نواف .. نجومية موهبة اخلاق ثقافة احترام للصغير والكبير ..
عزيزي الاولاني والله اخطيت بحق نواف ... وانت اللي قلت لي سابقا (( صديقك من صدقك لا مت صدقك )) .. حط الفتحات والكسرات والشدات بمعرفتك
عزيزي انت تقول (( يشوف وين المثالية فيه ويقدم التصريح او التعامل )) .. وش العيب في هذا يالاولاني ..
ليش نرفض ان نواف يكون مثالي .. وللمعلومية يالاولاني نواف في درجة الشباب ويمكن انت تذكر كان من اكثر اللاعبيت نرفزة ... لدرجة انه سبق وان تهجم على زملائه في فريق درجة الشباب داخل الملعب ..
لذلك التغيير الجذري في تصرفات نواف تسجل له لا ضده ..
ونواف لا يصطنع المثالية ياعزيزي .. لان الطبع يغلب التطبع .. ونواف اثبت مع الايام ان نجم مثالي بالدرجة الاولى .. ويحق له ان يكون أمير المدينة الفاضلة وليس احد افرادها فقط ..
عزيزي لا اريد ان اطيل الكلام ..
ولكن تأكد بأن نواف يعي ما يقول .. ونواف كسب وسيكسب لانه يتعامل بصدق ونقاء ..
وتصريح النخبة من نواف .. رغم انه لا يرضي غروري وكنت اتمنى ان يضحك على ابطال الغفلة .. الا ان العقل يقول ما قاله نواف .. ونواف صح ونحن خطأ ..
بالعربي ما نطالب نواف يفكر مثلنا .. حنا جماهير وهو نجم .. حنا نقابل جماهير مثلنا ويطول النقاش المتعصب عن هلال ونصر ..
ونواف يقابل زملاء له في المنتخب من النصر وغيره .. هل يرضيك ان يكون نواف منبوذ في الوسط الرياضي بسبب سلاطة لسانه !! اعتقد الاجابة لا ..
هل يرضيك ان يكون منبوذ من الجميع بسبب الصراحة الوقحة !! اعتقد لا ...
ما اعرفه وأظن انك تعرفه ان نواف من اكثر اللاعب نقاش مع جهاز الكرة .. والمدربين .. لانه لاعب ذو رويا فنية رائعة .. ولاعب مطلع وفاهم كورة .. وهذا ايضا يسجل لنواف .. اللي ممكن يستعرض عضلات لسانه بالصحف .. وراح يلقى من يصفق له ..
تحياتي لك .. وصدقني ان راسي اوجعني من ردك
... ماني قادر استوعب الرد بصراحة ..
@@
مزكوم : صح لسانك ..
@@
هلالي واقعي : هلا وغلا ..
شكرا على حماسك اللي واضح بردك .. وما قصرت ..
عزيزي نعم .. اللي يخالف الله في عمله .. ما تتوقع منه الا كل خير .. قد يخطئ واخطاء كبيرة ولكن العزاء الوحيد انه مجتهد و مخلص ..
والمصيبيح اجاد كثيراً خلال الفترة التي قضاها .. ولو رحل سنبكيه الى الابد ..
عزيزي انت تقول ((ياقاهرهم اخشى عليك ممن تحبهم وليس ممن يكرهونك ولك جزيل الشكر )) .. وانا اقول المسألة ما تسوى وسع صدرك بس ..
@@
عيون الصقر : هلا بك ياغالي ..
سؤال رائع ... ياليت نلقى له اجابه !!
@@
قيس : اخوي قيس هلا بك وباحتجاجك .. وردك رائع جدا صدقني وعاجبني ..
انت تقول ..
1) رغم جاهزيتك الكامله إلا انهم ذهبوا إلى طهران واخذوا توليو وهم لم يتأكدوا من مشاركته وتركوك بين جدران النادي
2)بدون اي اسباب مقنعه استمريت اسير دكة الاحتياط .... مع الموجودين ليسوا افضل منك مستوى والجميع يعرف
3)اسألك بالله لم تعرف ان النادي تعاقد مع لاعب بخانتك ... لاهداف كثيره ومن ضمنها انهائك بشكل او بأخر
ثلاث حوادث سردتها وطلبت مني ان اكون مكان فيصل ..
عزيزي .. هل تريد ان تعترف ان فيصل هاجم المصيبيح لاسباب ((((شخصية))))) .. وان اللقاء الذي نشر في الجزيرة على جزئين كان مقال انتقامي لا اكثر !!!!!
اذا كان كذلك فخطأ ابو ثنين اكبر واكبر .. لان الانتقام لا يأتي على مصلحة الزعيم .. واذا جاء من يحاول ان ينتقم لنفسه مقابل مصلحة الزعيم لن يجد منا الا الرفض والرد عليه ..
نحن عزيزي لا نسئ لفيصل لاننا نريد الانتقاص منه .. نحن نرد على ما قاله فيصل عنا في جريدة الجزيرة من اننا جماهير لا تفهم .. وجماهير تصدق ما يكتب .. نحن العكس ياعزيزي ..
فلقاء فيصل الذي تكون من اربع صفحات قرأته ثلاث مرات .. وفي كل مرة اقول ... افاااااااا .. والله ماهقيناها من يا فيصل ..
لذلك لا تعتقد انني ضد فيصل لانني لا احب ذلك الشخص .. بل صدقني انني من اشد المعجبين به .. ورده فعلي جاءت بحجم حبي لفيصل صدقني ...
شكرا لك
