يسعد هالطلّة أبو داحم

الظاهر استايل الشبكة الجديد أغراك وخلاك تكتب

أنت ذكرت إن المشاهد السعودي فكره راقي

وهذا الشيء اللي ما أوافقك عليه لو فكرنا راقي كان تفرجنا على اشياء تفيدنا

و لو فكر المشاهد راقي كان ما دق مثل الأخ أنس وقعد ينتقد بهالطريقة

حسيت إنه خوي حبيب الحبيب و صارت بينهم مشكلة فقال خلني أسفل بالمسلسل

حتى يوم يقول له المذيع عطنا وجهة نظرك بطريقة نقدية قال أنا منيب مثقف

لو مكان المذيع كان قلت له طيب تكلم بإحترام شوي ترى ما أنت مع أخوياك

إيه نعم كلنا نبي تلفزوننا يتطور ويصير فيه أشياء مفيده وراقية

لكن هالشيء مستحيل يصير تدري ليش .. ؟

لأننا حنا يا عزيزي من الاساس مو مقتنعين بالاعلام أو خلينا نخصص ونقول بقنواتنا الحكومية

يعني مهما طوروا وحطوا وسووا ما راح أحد يتابع لأن الفكرة المحطوطة بذهن كل واحد فينا إن التلفزون السعودي لا يمكن يعرض شي حلو

في رمضان عالساعه 3 الفجر يعرض برنامج ممتاز على القناة الاولى
يحكون فيه عن سيرة شخص أبرز نفسه فيه حياته بدون مساعدة الاخرين

لكن هل يا ترى كم واحد يعرف عن هالبرنامج .. ؟
كم واحد مر على هالبرنامج لكن قال ما عاد إلا هي أترك مسلسلات حليمة وأتابع القناة الاولى .. ؟

فأقولك يا عزيزي نحن بحاجة لتعديل أنفسنا بالاول ومن ثم نطالب بتطوير إعلامنا
عشان يصير بمستوى فكرنا الراقي يا عبدالرحمن

ألف شكر لك وإن شاء الله تكون هذي عودة قوية للمجلس