السلآم عليكم و رحمة الله و بركآته

بسم الله الرحمن الرحيم

اولاً احب انتهز الفرصه مرتن اخرى..لتأهنئتكم بالعشر الاوآخر و عسا الله يتقبل مننا و منكم صآلح الاعمال

و ثآنياً احب ابآرك بالجميع على الاستآيل الجديد

ثالثاً جيتكم من الفضآوه مسوي بكتب مقآل

بصرآحه اليوم تابعت فلم اجنبي<<الناس مسلسلآت و صلآة و انت افلام

بصرآحه يعني حمدت ربي اني مسلم و حمدت ربي انه انعمني بنعمة العقل

شفت كم فلم انا و رحت كتبت في قوقل بالعنقلش

و قريت مواضيع بعد ترجمتها ببرنآمج الوافي قولدن

و الله شي يشيب له الرأس

تدرون يا جماعة ان اكثر من 57% من شآبات الامريكآن حآملين؟

تدرون ان في اليوم يقولون تجيهم اكثر من 50 وحده تسوي جهآظ؟

<<هذي وآحد قالها لي

تدرون انه عندهم سن محدده لتعاطي الخمور؟

تدرون ان فيه عقوبه للي يرتكب الزنى و هو ما بلغ و الي بلغ بالطقاق الي يطق راسه؟

و الله نظامهم مدري وش يبي

و دائماً تشوف في افلامهم تجي الام عندها ولد بنت الولد يجي يهايط عليه واحد في المدرسه و اخته تحب هالي يهايط عليه و تشوف تبدا العلاقه و تصير ذي حامل ثمن ذاك يحط رجله و يرجع بعد فتره يسلم عليها و يطيحون في الحب مره ثانيه

و هذا الشيء دائماً يصير ولد عمي في لندن يقول البنت الي في العائله الي هو سآكن فيها مثلهم

يقول طلبت تغيير العائله و راح الحين مع شايب و شايبه

الله يحفظه و يوفقه

الموهييم

و تشوف يعني ان الولد يجي يقابل البنت في المدرسه بعدين يتفآقم الوضع و مدري ايش

و اليوم الثآني تشوفه مطيح الميآنه مع ابوها و يقوله شوي شوي على بنتي

لآ بآرك الله لا فيك ولا في بنتك

و في بعض المدارس يسوون يوم توعوي عن الطوط طوط و في نهاية المحآضره يعطونهم إحم إحميعني هم يحثون وراعينهم على هالشي تشوف الوآحد مآخذ 20 حبه

و شي عآدي عندهم ان الولد يمآرس الرذيله مع بنت

لعنكم الله من شعب خويي رآح لندن يدرس يقول فيه هوآيل ما يصلح اقولها في الشبكة

لأن الشبكة تكرم على هالاشياء

نجي لمحور الموضوع
"الي قرا الي فوق هذا بس شطحآت حليوه "

الحين هنا في السعوديه كثير من النسآء طالبو بتأييد قرار السمآح المرأه بقيآدة السيآرة و حرية التجوال

لنفرض مثلاً تم التأييد هل فيه احد بيخلي حريمه او بنآته يسوقون؟"غير محمد عبده"

اذكر وآحد يقولي بنت انخطبت بعد شهر ماتت بحآدث ليه؟

يقولون اخذت سيارة اخوها و قعدت تفرفر فيذا الشوارع شافت احد وراها يكبس علشان توخر عن الطريق ارتبشت البنت و بدال الفرآمل ضربت بنزين و دخلت في الاشاره الله يرحمها

فيه ناس تقول ميب مشكله يتعودون يتعودون بعد وصول عدد الوفيات الى اكثر من 100 الف

بعض الحريم متضايقين من الهيئه و الشباب برضو

تدري يا بعدي لولا الهيئه كان شفت امثال برجس الله يخسه تآرسين ام البلد؟

تدري يا بعدي لولا الهيئه كان اهلك ما راحو للسوق و هم متطمنين؟؟

تدري يا بعدي لولا الهيئه كان شفت الفسآد في السعودية وصل الزبى؟؟

تدري يا بعدي لولا الهيئه كان انتشر الفسق و الفجور في السعوديه كلها؟؟

الهيئه بكلمة وآحد مآسكه الدوله و الله يا شباب مره في السوق انا امشي شفت حق الهيئه يقول للسوريه غطي شعرتس يا مره و يهاوش و قام سوا لها محآضره و استدل بآيه مدري بحديث لا اذكره

و الله مر من جنبي قلت احب انتهر الفرصه و اقول يعطيكم العافيه و عسآكم دوم على القوه الله لا يحرمنا منكم ولا الامير نايف الله يحفظكم ويآه

احمر خجلآنن!! و قآل اول مره احد يقول لنا كذا دايم الشباب الي في عمرك يشمئزون مننا قلت جهله

قال صح لسآنك قلت فآلك البيرق

قآم ضحك و قال الله يحفظك قلت ويآك يا رب و مشيت

صح ان فيه بعض رجال الهيئه يمصخونها شوي و يتعدون على الحدود لكن! لمصلحت الموآطن

ياما احبطو اوكآر فسق و فجور و اوكآر تصنيع الخمر و طقته

في حآرتنا القديمه عمآره مأجره لعمآل بعد اسبوعين فآحت الريحه في الحاره دقو على الهيئه و الله اقل من ساعه الا هم ماسكين العمال و حارقين الخمر

و الله لهم افعال ينحبون على الراس و الله تهاوشت انا و وآحد في المدرسه علشان الهيئه تخيلو 5 ضدي

لكن خويكم ذيبآن سكتهم وآحد وآحد

هو جدآوي ابو الشباب و يسب ويلعن و يشتم في الهيئه قلت لي تسب الهيئه

يقول مهم مخليننا نعيش حياتنا زي الناس قلت ليه مخلينك تعيشها زي الحمآر؟

قآل حيآت الحومآر اكرم من حيآتي ذحينا

قلت رح اكتب في دفتر العآئله حقكم حمار و موب متعرضين لك

تعالت الاصوآت و جو اخوياه قالولي ايش عيندك؟

قلت وش تبي انت ويآه منآك بس لا يجيكم علمن ما خبرتوه من قبل

تصدقون وآحد فيهم ضحك من كلمة علمن و كلمة خبرتوه؟

يقول ايش هآدا الحينيس

قلت اكون حنيس احسن ما اني اتشبه ببنت الله يخسك

الحين النآس صرت اشوفها تتهرب من شي اسمه حنيس من بعد الشمآغ و العقال

طيحني و سآمحني

و الله تحس برزه و انت لآبس شمآغ جنفنشي الجديد و مرسم به و طآق العقال و كل شوي مزينه خوفك يكون يضحك

تمشي و الناس تناظر فيك مره نزلت التميمي الي في ركاء بلازا كل الي حواليني طيحني الا انا حسيت اني كائن غريب بينهم كلن ينآظرني واحد قال وش يحس فيه ذا قالت عآجبك منظرك مربي شجرة فوق راسك؟

قال ايه عاجبني قلت اقلها انا سآترن نفسي بلبسي ولا طلعت فضآيحي قدآم خلق الله و رزيتها لهم

و الله تحطم و جلس ينآظر في الارض قلت له انت و طقتك مع الطير ياللي و مشيت <<الذكي يفهم

خذت لي معمول حلواني + احلى هولستن رمآن من نصيحة احلى عزآم

عذراً على الشطحآت الي مدري وش تبي لكن بصرآحه حبيت افضفض لكم يا لبى قلوبكم

انتهينا<<احسكم تقولون اخيراً

هذا وجه جورج بست>>

عارف انك بتقول اني سآمج بقولك اعرف لكن هذا انا تقبل الوآقع المرير

برآيفت عزآم:

و الله و طلع هولستن رمآن شي يفوق الخيآل

موب اليوم حقت قبل يومين يوم اروح اشتري المعمول

ترآني صآيم قسم بالله

ارجو من الاخوة المشرفين عدم إغلاق الموضوع او حذفه


الى اللقآء مع شطحآت قريبه ان شاء الله

,

ملآحظه الموضوع من دون اي تنسيق

مغير اكتب و احط إبتسآمات