بسم الله الرحمن الرحيم
السلام عليكم ورحمة الله وبركاته

مبروك علينا الجلوس ومشاهدة كآس العالم بدون منتخبنا المسلوب حقه ,

في عام 1994 م وقبل بداية كآس العالم بآمريكآ عندها قال الآمير المغفور له بإذن الله [ فيصل بن فهد ]
قال بالحرف الواحد [ سنجعل المنتخب السعودي ينافس على بطولة كأس العالم 2010 م اذا سرنا بالطريق الصحيح ]
وهو حقا يعي ذلك
لكن لا يعي انه سيأتي يوم من بعده ليأتي من هو .. هدّآم لهذا الطريق الصحيح


نعم ياسيدي سلطان بن فهد انت من دمرت منتخبنا ومستقبلنا
قلتوا ان المشكلة كانت في المدرب وانت كل سنه جايبن لنا مدرب
قلتوا اللعيبه وهذا انتم غيرتوا اللعيبه

مابقى الا انت ياعزيزي

فكل شيء في الكون يعتمد على أساس متين وقوي يصبح الكل متين وقوي
لكن أساسنا ضعيف .. حنا مقدرين عملك اللي تقول عنه [ حنا جالسين نشتغل ليل نهار ]
ومقدرين مجهودك اللي توصفه لنا بأنه [ جاد ]

انا مقدر مكانتك الاجتماعيه وعلى عيني وراسي .. لكن ياسيدي راح تكبر يعيون الشعب لما تقول ماعندي جديد اقدمه واقدم استقالتي
على الآقل رحمه بالـ 20 مليون اللي يتفرجون على المهازل

ماعندك جديد ورب البيت ندري انك بتغير المدرب وبتغير الكبتنيه
وبتغير نص الفريق - وبعدين ؟؟ وش بيصير يعني دامك موجود

خلاص مجلسك ينحل وتنحل كل العقد ان شاء الله


والله والله لو ان فريقي [ الحواري ] لعب ضد البحرين لكسبنا البحرين بنتيجه ثقيله
ليس استخفافا بالبحرينيين لا والله يستاهلون

وانا اقولها قدامكم كلكم اني تمنيت اني العب قدام البحرين انا والزقرت والله انهم احسن من المنتخب - اقل شي اذا طلعنا تلقانا نبكي بالملعب لاننا نحترق في مباريات حواري اجل شلون كاس عالم ؟؟؟
وليس كما فعله مالك معاذ وناصر الشمراني حينما وقفوا يضحكون ويسولفون ... ليه الضحك ؟
ماعندهم اي احساس بالمسؤوليه

ليه ؟؟

تقدر تسآل نفسك ياسيدي هذا السؤال ؟؟


الروح ماتنشرى بفلوس ولا بخطط مدروسه

نبي فكر ونبي رقي ونهضه وامجاد

وكل قراراتك في دوريك الزين تنعكس على منتخبك وانا انسب المنتخب لك لأن الخطط العلميه منك وفيك ,
لآن منتخبنا توقف منذ ان توقفت نبضات فيصل الرياضه



انا تعمدت أأخر هذا الموضوع عشان ماتقولون فترة غضب ومن هالكلام
انا كاتب الموضوع وكلي فرح بأن هذا المنتخب لا يعنينا الا اذا كان هناك فعلا [ شغل ليل نهار ]


اسف على الإطاله - لكن الكل يتكلم بينه وبين نفسه بهذا الكلام وانا حبيت اتكلم بلسان الشعب
ختاما [ سلطان الرياضه الى مزبلة التاريخ ]

رجاء رجاء اللي جاي يناقش اهلا وسهلا اما اللي جايين يسبون فكونا من شركم
اخوكم - محمد