1 / بالنسبة للضمان المالي اقدر احوول من حساب اخووي الى حسابي واستخرج الضمان المالي وبعدها اسحب المبلغ وارجعه لخوي ؟

اللي أعرفه انك تقدر تسويها عادي

2 / الضمان المالي اقل شي كم المبلغ ؟

هذا يعتمد على الجامعه اللي راح تدخلها .. فيه جامعات تطلب 40000 دولار وفيه جامعات 20000 دولار .. والأفضل انك تسأل الجامعه اللي تبغى تنضم لها

3 / من يعرررف ولاية كنتاكي يحدثني عنها من كل النواحي الجووو - الجامعات الكويسه - المنطقة الكويسه في الولاية - الاسعاررر من ناحية السكن ووالمعيشة - سلبيات المنطقة وايجابيتها ؟

والله ما اعرف عنها اي شي سوا انها فيها مدن كثيرة معروفه بالجرائم. وانت تعرف ان الناس تقول والواقع الله أعلم به

4 / هل استطيع انا اتخصص في في ادارة اعمال والا يوجب علي تكون شهادتي الثانوية علمي والا عادي ادبي ؟

تقدر ما دام انك على حسابك الخاص .. لأن اللي أعرفه الحين ان الملحقية صارت تمنع الطلاب المبتعثين على حساب الحكومه من التحويل لتخصص ادارة أعمال .. على قولتهم ( مكتفين)

5 / كم المبلغ الي يمشيني شهرين مع العلم اني خارررج على حسابي ؟

هذا على حسب المدينة اللي راح تسكن فيها .. اذا هي صغيرة غالبا راح تكون رخيصة ومبلغ 1300 دولار تقريبا راح يكفيك اما اذا كانت المدينة غالية ترى يبيلك مبلغ 2000 دولار على اقل تقدير

اما بالنسبة لكلام اخوي النهرين .. ما أعتقد أبدا أبدا أبدا ان 500 دولار تكفيك للسكن والنقل والمعيشة

السكن لحاله يمكن يكلفك على اقل تقدير 300 دولار اذا كان في مكان رخيص جدا وفي مدينة صغيرة جدا

انا رأيي لك انك تتصل على الجامعه او ترسل لهم ايميل عشان يعلمونك عن أسعار السكن

الأكل ما راح يكلفك الا 300 دولار اذا انت مقتصد

واتمنى لك التوفيق