.
دايم مآحب اكتب الموضوع وارد اول وحده 
طبعاً هالكلام بموضوعي بموضوع غيري يختلف الوضع  
أكلتك المفضله وأنت صغير ؟
ماأذكر اكله معينه بس كنت احب حليب سعودي يمكن اكثر شي اشربه
حتى كنت اخذه معي للمدرسه 
شخصيه كرتونيه كنت تحبها ؟
ماروكو <- أعشقها  
كيف كنت ايام طفولتك شيطاني ولامؤدب ؟ <- بالأمانه
شيطآنه بقوه 
ماهي المواقف التي عرضتِ فيها اهلك للاحراج ؟
يووه كثييير 
اذكر امي كانت بالمستشفى توها جايبه اختي الي اصغر مني وانا طالعه مع ابوي للدوام الي يشوفني يقول ياحليلها هاديه
بس اذا تأقلمت مع الجو مافيه اشطن مني  كان صاحب ابوي معه في المكتب وزوجته دايم تجينا
مدري وش قالي بس كان يحارشني قلت اسكت انت وزوجتك الدٌبا ( الله حق هي كانت دٌبا مره ) 
وقتها اكلت لي قرصه مانحسد عليها 
ومن بكره اتصلت على بيتنا وسألتني من الي يقول عني دبا 
وسكرت بوجهها
هذا الموقف اللي اقل أحراج من المواقف الثانيه
هل كنتِ شخص ذو شخصيه قويه أم مغلوب عليه ؟
قويه
بس ولد جيرانا مهجدني كنت اخاف منه
لأن مره مدري وش سويتله سحبني من شعري من بيتهم لبيتنا
موقف تمنيت انك تصير فيها كبير ؟
اذا كان فيه زواج يطق براسي عرق واروح معم بالسياره و يرجعوني <- تسكيته بس
اكبر مغامره قمت فيها وانت صغير ؟
اذكر كان بسطح بيت جدي فيه حمام هالحمام حق عمي الكبير وكان عصبي يخووف
وعاد انا وعمي كنا نموت بشي اسمه تخريب 
جاء يوم طلعنا انا وعمي اللي كبري اسمه ( ريان ) للسطح وطقت بروسنا فكره تعرفون الشوايه
مسكنا حمامه حمامه وصرنا نحطها على الأرض ونحط فوقها الشوايه ونركب فوقها لين تصير مخططه
وعاد الحمام الصغير نمسكه ونشد رقبته لين تقول ( طق )
العله ان الباب حق الشبك مسكر وكنا داخلين من الشباك
دخل عمي علينا وقعد يتفرج علينا 
عااد انا بكيت قبل مااطلع  وريان من الخوف بخها ضحك
والباقي مايحتاج اقوله
من هو الشخص اللي يقع دائمأ في شر اذيتك ؟
بنت خالي لأنها كانت على نياتها
يوم كنت صغير كنت تترأس عصابه ام انك كنت عضو فيها فقط ؟
ماكان فيه الا انا وعمي عشان كذا مافيه رئيس
من كـان يدلعك أكثر أبوك ِ او أمك ؟
كلهم الله يخليهم لي
اســم دلعك بالطفوله لحد الان ينادونك فيـه ؟ وماهو ؟
الا الحين .. رنو * رنوده
وش كنت تحب السن توب او سن كولا ؟
كنت احب السن كولا
واذكر اول ماأقوم اشربه على الريق
دخلت المستشفى حوالي 20 يوم بسببه
بس الى الحين عشقي له مستمر
كنت دب وانت صغير او نحيف ؟
نحيــفه 
هل عندك لعبه موجوده من صغرك إلى الحين ؟ وماهي ؟
نهائي
هـل كـنت تـعانـي مـن اخـطاء فـي مخـارج الحـروف .؟
حرف الراء كنت انطقه واو
كنت اقول ريان > ويآن < حسب ماذكرلي
وانت صغير يشبهوك على مين من العائله ؟
ماكنت اشبه احد 
<- بس يكفي كذآ فضآيح 
لي عوده لردود 
اخر تعديل كان بواسطة » رنـــــد في يوم » 09/09/2009 عند الساعة » 04:20 AM | 