السلام عليكم ورحمة الله وبركاته

وفي البداية مبروكـ لأخوي مشهور رئاسة الرابطة ومبروكـ لأخوي الغرناطي النائب

<< وده يبربر شوي

الصراحة أنا تمنيت إنه مايطلع سباليتي وإن كانه عشان المباراة الأخيرة إلي هي ضد اليوفي مايتحملها 100% نهائيا اللوم أول شي على الإدارة إلي ماجابت لاعبين زي الناس وشفنا الموسم إلي راح وشلون كان يعاني الفريق لأنه ماكان عنده إحتياط .. والإدارة نايمة ماتحركت في هالميركاتو ولا جابت إلا حارس ومدافع (بورديسو إعارة) وجيوبيرتي وجددت مع موتا .. وعلى أنهم باعوا أكويلاني وكنا متأملين خير على إنهم بيجيبون بهالفلوس مهاجم بطران ينهي الهجمة لكن للأسف ماعندك أحد هالغوريلا قعدت تواعد الجماهير وكل شوي طالعة في لقاء وتقول أصبروا اصبروا .. النهاية ماشفنا شي .

القضية الثانية فيه لاعبين حاليا مايستاهلون يلعبون ولا في السيريا C أولهم تونيتو هذا مفروض من السنة إلي راحت منكرش من الفريق وثانيهم كاسيتي إلي للأسف الإدارة جاها عرض من فيورنتينا تطلب فيه اللاعب كاسيتي والإدارة زلبت العرض ليه مدري ؟ وتادي جاه عرض من جنوى مع ذلك قعد في روما الشي إلي يقهر إنك تحتفظ بلاعبين قمة في الفشل وتتخلص من لاعبين أحسن منهم زي بانوتشي على أنه شايب بس مازال قادر إنه يعطي .

وبالنسبة لرانييري صح إنه بيعطي فرصة للشباب إلي موجودين بالفريق وراح يبرزون في الدوري بشكل لافت بس رانييري في النهاية يعتبر مدرب إعداد للفريق و يبقى أكبر جبان وخواف وخروف شفته بحياتي وفاشل فشل ذريع على مستوى التبديلات وعلى هاللاعبين إلي عندنا ودكة الإحتياط أتوقع بيجيب العيد في الفريق والله يستر بس والمثل يقول خلك على مجنونك لا يجيك إلي أجن منه عشان كذا أتمنى بقاء سباليتي وعدم رحيله .

تقبلوا بربرتي

إقتباس وكيل بريقي: موكلي قد يرحل مع سباليتي

يالله هذي بدايتها .. عشان كذا مازلت أقول خلك على مجنونك لايجيك إلي أجن منه