قرار استئناف : للكرت الأصفر الذي أشهر في وجه " أسامة هوساوي " ( انا اشوف هالأمر ضروري حتّى نحفظ حقوقنا ) لأن أسامة فعلاً ما لمسه وعوّاد سقط كذباً !
بصراحة تعوّدنا من لعيبة ( النادي الجار ) السقوط بدون لمس
للحصول على ( بلنتي ) او فاول خطير أمام المرمى ,
وأمس عواد العتيبي مهاجم النصر ( السابق ) طيح نفسه ومثل كثير .
يعني تخيل هالكرت اللي حصل عليه أسامة حيأثر عليه مستقبلاً في مباراة مستقبلية
لذا أرى أن يكون هناك استئناف ( أو لنقل رفع خطاب لرعاية الشباب ) لاسترجاع الحقوق المهذرة في حق لاعبينا وعدم التهاون في مثل هالمسائل المهمة .
* يعني والله العظيم مهزلة لما اللاعيبة ما تقدر تصل للمرمى " برجولة واستحقاق "
فيقعدون يطيّحوا انفسهم داخل الصندوق أو بهدف حصول اللاعب على كرت .
* ممكن البعض يشوف هالأشياء عادية .. لكن لما تقعد تسكت على الأشياء الصغيرة تندم في الأخير .
* وللمرة الألف وين لجنة الإنظباط هذي ما تعقّل أصحاب الإنبراشات واللعب " الوسخ "
* لعيبة منتخبات دولية عندهم محافل وأدوار مهمة مقصلية .. فيجون هاللاعيبة الصغار يكسروا كأنهم في الشوارع .
* اللاعب " علي زباره الصقور " كان يكسّر من بداية المباراة والحكم ساكت لدرجة انو سيقان ومفاصل الزوري ورادوي كانت بتتكسر بسببه .. وهذي صورته : 
مستغرب هالآدمي " لاعب محترف " يلعب في الدوري السعودي للمحترفين !! مع إحترامي الشديد هذا لاعب حواري ( وبعد كثير عليه ) 
انا من شفته أمس ما ارتحت له حسيته راعي مشاكل
والله أتمنى ينظروا بهالحقوق
واحنا نثق بإدارتنا الموقّرة انها ما بتفرط في هالأشياء
وحسبنا الله ونعم الوكيل
تحياتي
