السلام عليكم ورحمه الله وبركاته

تقبل الله صيامنا وقيامنا


يناس انا شريت تذكره امس قلت ان شاء الله بصلي التراويح وابمشي الملعب علي طول

وصلت الملعب الساعه 10.5 باقي حوالي عشر دقايق علي المباره وصلت الا اشوف العالم متجمعه حوالي 5000 مشجع هلالي ولا اكثر
المهم وصلت الى البوابات مسكره وش السالفه وش السالفه يقلون الملعب مليان
يرحم امك اي مليان

قلت ان شاء الله شوي ويفتحون البواباات ونجلس ننتظر بدت المبااره قلنا ميخالف شوي بس
اخر شي ملينا نبي احد نكلمه نبي عسكري نبي اي ادامي مسؤل مافيه ولا واحد
حتي مافيه امن ولاتنضيم كل واحد واطي الثاني من الزحمه

اخر شي ملت الجماهير وشفت الي عند البوابه يدفون الباب لين انكسر القفل وادخلو حوالي 100 واحد من الجماهير

وياليتهم مادخلو مافيه الا ضرب بعصي الكهرب والله اني شايف واحد عمره تقريبا الخمسين يظرب بالعصي الكهرب

وين الاحترام وين التقدير كبر ابوك يعني تخيل لو ابوك محله ياناس قسم بالله انه صاير اليوم

وصار تدافع من الجماهير الحمد لله ماصار شي وربك ستر ولاكان صارت مذبحه
صارت الساعه تقريبا 10.35 والي الحين مافتحو البوابات بحجه ان الملعب مليااان انا متاكد لو دخلت الجماهير كان امتلئ الملعب عن بكره ابيه
انا ماهمني ال 20 انا ماهمني الا الي جاين من الشرقيه والي جاين من الغربيه ومن الشمال ومن الجنوب حرام يرجعون وهم مادخلو لو الملعب مليان ميخالف نرجع
لكن فاضي ولابعد ويبعون التذاكر بره ثمن لابغيت تدخل قالو مليان طيب لاتبيعون التذاكر ولا بعد لابغيت ترجع التذكره عيا عليك ياخي وش هنظام الي عندنا
والله حرام الجماهير ماتدخل الي جايب عياله والي جايب كل عايلتهم والي جايب كل حارتهم ولله شي يقهر لاوبعد يقلون ليش ماتحظرون ياجمهور الهلال

ياخي لبغينا نحظر الملعب كأنك رايح لسجن ودي مره اروح الملعب لو مره اجي واجلس ومعي مويه ومستانس واجلس علي كرسي مهب تجلس علي الصبه

انا ودي اعرف بس وين تروح مزانيه الاتحاد السعودي نبي ملاعب تفتح النفس نبي تنظيم نبي كراسي في الملعب نبي نشرب مويه نبي ونبي ونبي .......

وانا متاكد ان فيه تصوير للي حاصل اليوم ونا شايف كم واحد يصور فديو فيالت اي واحد عنده مقطع يرسلي اياه حتي يكون كلامي موثق

واخر شي رجعنا البيت ولا دخلنا الملعب كلها من اداره الملعب
واسف علي الاطاله