الحمدلله على سلامتك أول شي
ومنيح إنك استانست بالهسفرة
أنا نفسي أروح سوريا بس عشان أسكن في البيوت القديمة
حقهم
مرررررررة عاجبتني
وعشان الطبيعة الحلوة اللي فيها
بس ياخي غريبة تمدح أكلهم
بنت خالتي راحت مع زوجها ورجعو قبل رمضان بيومين
تقول أحلى شي عندهم الطبيعة
والجو قالت أقول لعيالي تنفسو هنا على راحتكم الهوا مو ملوث
بس الأكل قالت مو قد كدا تقول لا مطاعم عدلة ولا فنادق
وكمان غريبة ما قابلتو الشحاتين
والله لو اللي قلي الكلام أحد تاني كان ما صدقت
قتلها يبنت دي سوريا مو مصر
معقولة فيه شحاتين في سوريا
تقول مرررة وربي عادهم لصقة ما يتصرفو أبد
وحدة في الجامع الأموي يوم شافتها متحجبة سألتها إنتي سعودية
قالت ايوا
قامت تقلها إنتو كلكم أغنياء ماعندكم فقراء صح << تمهد للشحته
قالت لها بنت خالتي لا فينا الغني
وفينا العاديين
وفي الفقراء اللي ماعندهم شي ياكلووه
وقبل لا ديك تتكلم قالت لها بس الفقراء اللي عندنا متعففين
مايجلسو يشحتو ويطلبو من الناس
قامت تقلها يعني إنتو مو أغنياء قالت لها لا بس قامت سكتت خلاص
والا يجوك الأطفال يمسحو السيارة بدون ما تطلب منهم ( سعبكة ) على قولة ولد عمي مو تنظيف
وبعدين لا جيت عند سيارتك يقلك مسحتلك السيارة عموو
يعني شحته بأسلوب قام ولد عمي قلو شكرا بس أنا ماطلبت منك
وداك إلا يبغاه يعطيه فلوس بس ولد عمي مارضي
قام قلو الله لا يوفئك
دي بس قصتين حق الشحتة وفيه كتير غيرها .
بس يالله الحمدلله ماقابلتو ناس زي كدا
وإن شاء الله المرة الجاية يفاجئك البحر بزرقته الساحرة
وشهر مبارك عليك
وهاردلك الخسارة
