يا اخوان في النقاش ياتقنعني يا اقنعك ..

بس بعض الردود استشفيت يتبع قاعده

اذا انت مو معي انت ضدي

مافي حل وسط !
-----------

إقتباس الرسالة الأصلية كتبت بواسطة 20 كاسر الكواسر 20 اي شخص يحآرب للهيئه لازم نعرف انه يبي يغآزل بـس او انه ابوه مب مطوع والاب كان يغآزل وشوه لابنه سمعة الهيئه

((رد سبق لي طرحه))

انا ماراح اتكلم عن مراقبه الناس والظن السيي وحكمها...

لكن بتكلم عن شغله اسلوب النصيحه

ابتكلم عن سالفتي صارت لي مع الهيئه

مع العلم كانو معاي في الجلسه ناس ملتزمين مشهود لهم بالصلاح

يوم الاربعاء طلعنا حنا والشباب بالثمامه ... نبعد عن ازعاج
وضغط المدينه وعن الاستراحه
المهم وحنا بعز السوالف بعد الشوي والكبسه اللي ترد الروح
(من ايديني ) خويي قالي شف اللي وراك واشوف جيوب
توقعتهم فيه تحدي بينهم وشوف اسرعوا وكأنهم ناصيننا
(متجهين عندنا بسرعه)
وفجأه واحد راح يمين والثاني جاي لمنا بيدعسنا يوم شفته انه
اقبل خلاص ونقوم بسرعه
نروح لسيارتنا ((نور السياره مولع )) ويجيبنا في الله يوقف
لمنا وبكل بساطه يقول وش عندكم
ونشوف واثاريه سياره باترول تبع الهيئه ...احدنا قال ياخي
خوفتنا مو اسلوب قال اشوف انتم سكارى ولا لا ... تكلمت قلت
لو حنا سكارى كان صحينا عقب حركتك
واللي راح يمين ((السياره الثانيه)) جانا من الجهه الثانيه يمين
شوف كيف يعني واحد واقف بوجيهنا وواحد خلفنا عشان يقالهم
مايمدينا نسوي شي ((نخبي شي)) ..
الثمامه في بلاوى ما اختلفنا بس بالله هذا اسلوب
حقيقه من الاول كنت اقول الجرايد ظالمه الهيئه بس عقب اللي
شفته ما استبعد منهم اي شي انا عاده احفظ لوحه شي بس
هالمره. للاسف
حسبي الله عليه والله لايسامحه ولايحلله
اتمنى الهيئه تفعل مزيه الدربيل الليلي

إقتباس الرسالة الأصلية كتبت بواسطة 20 كاسر الكواسر 20 الشعب السعودي معروف بحجاب نسائه .. والنقاش فيها الـف طريقه ! هم فقـط يبون يقولون شوفو الهيئه بكل شي تدقق فيـه ! .. ..

للاسف اخوي روح للاسواق الكبيره و شوف يمكن تقتنع ...
على فكره الحجاب من الناحيه الشرعيه فيه خلاف

بالنسبه للتدقيق السينما اللي قبل فتره ..
تصدق الى درجه صار فيه نقاط تفتيش قبل وصولك هناك ليش ؟

عموماً حنا دوله متخلفه بشتي المجالات
ولازم الحقيقه ماننكرها ...

//

كلمها قالها حسين عبدالرضا ((على ما اظن))

اتفق العرب ان لايتفقوا