 أما ذي يا أبو عبدالعزيز ولد نعمه و معه هوندا يا أخي قل لنا إنه من الطبقة المتوسطة بس أعلى شي بالمتوسطه لأن لو ولد النعمه بيركب هوندا على كذا ولد الفقر بيركب بي ام وولد الطبقة المتوسطة بيركب ددسن  لا وبعدين يوم راضاه أبوه عطاه لاندروكزر عساها فل بس .. ؟ يا فهد والله أشوف السيارات هذي صح إنها غالية بس يقدرون عليها غالبية الشعب والطبقة المتوسطة حتى لو بالاقساط بتطق لك لاندركروزر ولا كابرس أقساط وخلاص يصير بس تشيل هم الاقساط ماتشيل هم قطع غيار و صيانه و بنزين و و و أما ابن الطبقة الوسطى لو حاول إنه يشتري بي ام يبي يأكل تبن وهو صايم  اول شي قيمة السيارة ثاني شي ما يعبي إلا 95 موب مثلنا نعبي اللي نبي حسب الطنخه وقطع الغيار غير إنه ما تعود إلا على مرتبة الددسن وموب عارف يتأقلم مع الراحة في البي ام ولا المرسيدس ولا الرنج وكأني أرى شطحات .. ؟  الموهيم انا ناقد عليك بشي بس الحمدلله اخذت جزاك بالنهاية وش مفهوم الفزعه اللي عندك ذا يا أخي أكبر غلط إنك تفزع على اللي مسوي الغلط وتساعده على غلطه المهم حصلت جزاك من الله وهذا درس لك نقطه ثانية أنا فكرت بالموضوع بأني ادخل على أهلي واسوي مثل صاحبك والله إن يقول أبوي باللي ما يردك ولا تأخذ زبيريتي المشكلة إن الاب رضخ لمطالب ولده أنا أقول لو مأكله تبن سنه ولا سنتي ولا عطاه وجه والله إن يرجع يحب رجل ابوه ويركب الهوندا على إنها بانوراما ويلمع كفراتها يوميا المهم نرجع للنقطة الاساسيه في موضوعك يمكن فيه ناس يشوفون إن النقطة الاساسية إنها التخلي عن الاصدقاء أو المصلحة أو شي زي كذا لكن انا اشوف النقطة الاساسية هي طريقة اختيار الاصدقاء وبالنسبة لي اشوف إن حالتك انت الغلطان فيها وما عرفت تنتقي صداقاتك أي نعم لازم يصير لي علاقات ومعارف كثير لكن مو كل من هب ودب صار صديقي وأقوم اعوانه على اغلاطه مثل ما انت سويت وما اخفيك إني الان في الفترة الصيفية على علاقة مع واحد أقضي معه كل يومي تقريبا بحكم العزوبية لكني متأكد تماما إن اللي بيننا فترة و تعدي لذلك تشوفني حريص معاه ما اخذ واعطي بزياده واسلك كثير  أول وأخيرا الواحد لازم ينتقي صداقاته بعناية ويراعي الطبقية و الافكار مو يجيني واحد راعي كوره يصادق له واحد راعي سيارات ولا يجي واحد من الطبقة المتوسطه يماشي له واحد من الطبقة الاروستقراطية (الطبقة الاروستقراطية يعني زي عيال الشربتلي بالظبط ) لأن عيال النعمه أنا عندي تحفظ عليهم وبعلاقاتهم البايخه يماشي له واحد شهر وبعدين طال عمره يمل ويقول هذا مصلحجي مخاويني عشان فلوسي بأقطعها معه مع إن صاحبنا راعي الطبقة المتوسطة يا حبي له تلقاه يجمع قروشه عشان لا جا نهاية الشهر يروح مع خويه ولد النعمه لتشيلز ولا ابل بيز ويدفع حسابه المهم أنا شطحتو كثيرا واسلم عليك و كل عام وانت بخير والحمدلله على سلامتك من الحادث الحديد راح واكيد جا بداله حديد اهم شي انت تصير سالم ولا إذا صرت انت ما انت سالم بالله من اللي بيكتب مواضيع مثلك
اخر تعديل كان بواسطة » القيصر رهيب في يوم » 23/08/2009 عند الساعة » 01:58 PM | 