إقتباس حسّون ! توافقن إن إعارة كيريسون أكبر خطأ يحسب على الإدارة بهالميركاتو ؟! في مفهوم الإعارات ! أو الهدف من الإعارات عند الأندية الكبيرة ، اكتساب الخبرة إن كان اللاعب صغير ! خصوصاً مع صعوبة إعطاءه الفرصة في ظلّ وجود نجوم هالنّادي ! أو تصريف للاعب ! بوجود سافيولا والخبير قوميش والمهاجم الأساسي اللي ناسي إسمه وين كيريسون بيلقى فرصة ؟! لو كان موجود بالفريق كان ممكن يقدّم الإضافة ، ويكون البديل الأوّل لـ إبرا ؟! خصوصاً مع تخبّط مستوى بويان .. !

وهل كل الأنديه تقبل انها تدرب لك لاعب بالمعنى الصريح ؟ ..

هنريكي ماتقدموا له باير ليفركوزن .. الا علشان يغطو اصابة المدافع التونسي او المغربي نسيت .. كريم حقي ..

كيريسون .. كان النادي بيتعاقد معه في كل الأحوال .. لكن كان يبغا مكان في اوروبا له .. ويمكن افضل من تقدم لعرض الاعاره كان بنفيكا ..

الا ادري عنه .. انه هالسنه بنفيكا مدربهم جديد .. فـ مانقدر نحكم من الحين .. لأنه المدرب يبغا يجرب اشياء في بداية الموسم لين مايرسي له على بر .. لكن الشئ الا يريحني نوعا ما .. انه سافيولا قال .. مدرب بنفيكا في تدريباته يحب فكرة الاحتفاظ بالكره وينوه عليها دائما .. وهاالشئ راح يكون مفيد لـ كيريسون ..

بنفيكا عندهم لعيبه كثار صحيح في مركزه .. لكن مايمنع انه ممكن كيريسون يفرض نفسه مع الوقت .. وتصير الاعاره افضل له من نادي كان كل شئ مسهل له فيه ..

الخطوات الصعبه هي الا تصنع النجم ..

===

بالنسبه لوجوده في الفريق ووضع بويان ..

انا مااشوف بويان متخبط بمعنى التخبط .. اللاعب يحتاج مباريات اكثر .. علشان يضبط رجله اكثر .. لأنه تحسه في المباريات يفكر في اشياء كثيره .. فـ بالتالي يحتاج ممارسه لا اقل ولا اكثر وهذا الشئ الا قاله بيب انه راح يصير ..

===

الموسم الماضي .. وقبل لايمسك بيب الفريق .. قال عدة اشياء .. مثلا انييستا راح يكون يدي اليمنى في الميدان .. بويول هو اكثر من قائده .. ومن هالخرابيط ..

لكن قال شئ ثاني .. قال ابغا اخلي ميسي اقرب لمنطقة الجزاء .. وهذا الشئ بالفعل حدث .. وفي كل عمل جماعي وسلسلة تمريرات نشوف ميسي يصير اقرب .. وشفناه صار يعرف يتعامل مع مركز الـ 9 .. ريكارد حط ميسي في مركز التسعه لكن كان ميسي اقل نضجا وخبره وجماعيه عن الحين .. وهنا كان الفرق ..

فيه اشياء كثيره قالها قبل الموسم الماضي وصارت واقع .. فـ نشوف هالسنه ورهانه على بويان ..

انا بالنسبه ليي مومضايقني وضع بويان زيكم .. بالعكس اعتبره لاعب عنده حلول مختلفه عن الا في مخيلة معظم البرشلونيه ..

===

J.COLE

جو كول صديقي الجبيلي ..

بيب نجح .. لأنه يشتغل بضمير .. ولأنه ايضا مر بنكسات عديده كلاعب .. جت له اصابه قويه في ركبته اصابته خلته يبتعد عن محافل كرويه كثيره مع منتخب بلاده مثلا .. اممم مر بمراحل حرجه مع برشلونه .. المرحله الا خلته يعتذر عن اكمال مشواره مع برشلونه لأنه مايقدر يقدم شئ زايد ..

النكسات .. وتجربة الاصابات .. زود على عقليته الاساسيه الا خلته ينجح ويتميز على الكل .. خلته يعرف كيف يوصل للاعبين ..

كانوا يقولو عن بيب انه يحتوي الأشياء بسرعه كبيره .. يعني من يمر بتجربه بسرعه ياخذ منها الزين والشين ..

الا يشوف تصريحات بيب .. يشوف فيها تسلسل .. اول الموسم ظهر بصورة انا البطل .. انا واثق .. وانا مابغا فلان وعلان .. وانا القائد للفريق ..

كان يصارخ في التدريبات كأنه الا يدربهم اطفال مو لاعبين خبره ..

مع الوقت .. صار يقول اللاعبين فاجئوني .. ويحفزهم ..

مع الوقت صار يدافع عنهم .. مثلا في نص الموسم لما تكلموا عن انتقال ايتو او تجديده ومن هالكلام .. قال ليهم هذي فيها قلة احترام لايتو .. ايتو مهم جدا للفريق واتركوه في حاله ..

لما صارت امكانية تحقيق الثلاثيه قائمه .. والكل تكلم عن انه ممكن هالفريق يكون الأفضل في تاريخ النادي .. قال لا .. فيه اجيال مرت على هالنادي مستحيل نوصل لها ..

الموسم الماضي عرف متى يرخي ومتى يشد في تعامله مع اللاعبين .. وهاالشئ كان سبب وراء نجاحه ..

مااشوف انه اجمالا في الموسم .. كانت له اخطاء كبيره بمعنى كبيره .. لكن لكل طريقة لعب سلبيات وايجابيات ..

قال قبل الموسم الماضي انه اهم شئ الدفاع .. والدفاع هو اساس اي فريق بطل .. لكن مفاهيمه التكتيكيه واضحه للي قريبين من برشلونه .. الفريق مصنوع للهجوم .. لكن الدفاع بالنسبه له هي الرقابه والضغط والمحافظه على الكره من الكل .. مو بس خط الدفاع .. والدفاع لازم يعرفو يتعاملو بالكره .. علشان كذا كاسيريس احترق كرته بسرعه .. علشان كذا برضو نشوفه دائما يبحث عن مدافعين مع اننا نملك مدافعين مميزين ..

ابيدال بعد نهائي التشامبيونز .. مع انه مالعب .. بس قال .. انه الاشياء الا قالها بيب في تجهيزه للمباراه حدثت بالضبط .. ولهذا تفوقنا ..

سألوا بيب كيف تسيطر على اللاعبين .. على غرور نجوميتهم .. قال اكلفهم بواجبات تكتيكيه معينه .. لما جا ابرا .. سألوه كيف بتخليه يتأقلم .. قال لازم نعرف هو وش يحب اصلا ..

تناقض بين التصريحين .. لكن المميز انه يهتم باللاعب كثر ماانه يهتم بخطته ..

بالنسبه ليي انا من عشاق ريكارد .. حبيته لأنه كان متواضع جدا .. وبيب برضو يكمل نفس المسيره في التواضع .. تواضعهم ماكان متصنع .. وهاالشئ يخليك تحب شخصيتهم اكثر واكثر لدرجة الثماله