| رفعوا ضغطي امس
دقوا علي وقالوا الطلب جاهز
قلت خلاص بجي آخذه منكم
ووصفوا لي المقر الاساسي للشركه بالملز
ولمن رحت ماخذ معي بزارين وواعدهم بشنط وكابات ومدري ايش
قالوا اسفين مافيه الا شالات واعلام
طيب انا حاجز ومآكدين لي الطلب..؟؟
قالوا فيه قبل 4 ايام وقت جانا 700طلب شراء في اقل من نصف ساعه..!!
طبعا هم خذوا ارقامي يقولون بندق اذا جاء شي جديد
وعلى فكره سالتهم عن منتجات ثانيه مثل المنشفه وغيرها
قالوا مافيه غير الانواع 8 الحاليه
لكن بيكون فيه 20 منتج خاص بالمدارس
يمكن دفاتر واقلام
بصراحه منتجاتهم جودتها حلوه وخقق
خصوصا الكاس
انا اشتريت 8 حبات من الكاسات والاعلام والشالات والتعليقات حقت الجوال
حسيت انهم بيكرشوني من الشركه كل ماطلعت صاح بزر معي ابي شال مثل هذا وابي شي مثل ذاك
وراح عصرنا كل ماوصلنا اشاره ديورنا لهم
بالاخير واضح ان الهلال غير
لانه كان يقول اطلب اي منتج لأي نادي وتلقاه متوفر
لكن الهلال مع انه ماخذين الاحتياط وجايبين كميات اكبر الا انه انتهت الكميات
تحياتي | 