نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

البعد الثالث · #1 20/08/2009, 01:30 AM

بسم الله الرحمن الرحيم

اولا ابارك للجميع الثلاث نقاط عقبال 66 نقطة وبعد :
نخش بالموضوع صراحة شايف الاستعجال من جمهورنا العزيز واعتقد السبب وجود بعض المندسين

(الصراصير)

في كل الامور خلنا نحدد الموسم توه بادي وشفنا كثرة التشائم والاستعجال والتدخل في امور ما تعنينا خلنا نحسبها من البداية :
1- ويلي غير مقنع :ولو انه ماهو مقنع ما كان تركه المدرب مثل سالفة الاصابة المزمنة العام الماضي وصار المنتدى كله مدربين وما يبغونه وشفناه اليوم وش سوا
2- مشكلة الطقم: حتى الطقم سووا عليه مشكلة بالرغم من ان شركة اديداس ماهي مثل ابو ريالين زي مايعتقدون شركة عالمية لديها مصممين عالميين وشفنا الطقم الرديف قمة الروعة لكن الاستعجال ماخلاهم ينتظرون الين يشوفونه على الطبيعة حتى اللون الازرق اللي ينتقده اقولهم اصبروا الين تشوفه على اللاعبين واذكركم
3- نبغى مهاجمين اجانب :ياهوه تونا ما بدينا خلنا نشوف الشباب اللي فيهم الخير والبركة عندنا ياسر والمحياني والصويلح الخ لاعبين من طراز رفيع لكن لا نستعجل الحكم عليهم من اول جولة
4- قصة نفاد التذاكر :زي اللي يقول اللي يجي من برا الرياض لايجي واللي ما اشترى التذاكر لايتعب نفسه هذي حملة وراها

مايحتاج اقولهم وشفنا بعض المدرجات فاضية علشان كذا اي مباراة للزعيم على الجميع ان يتوجه للملعب حتى لو عدد الحضور مليون اذا خلصت التذاكر خير وبركة ماخلصت ما انتظر الين يجي غيري
5- الحكم على اللاعبين من اول مباراة : خطا كبير خصوصا اللي قاعدين يطالبون بتنسيق ياسر القحطاني من

ترى ماهو لازم هو اللي يسجل وبعدين اللي شاف دفاع القادسية يدري انه لا ياسر ولا أنا بنقدر نسجل بسهوله (على بالي كويس)

على العموم اصبروا وتأنوا وبإذن الله البطولات هلالية خلونا نعرف نفكر بباقي المباريات (مسوي مدرب)
واتمنى الرد من الهلاليين المخلصين أما

لايردون واشوف اشكالهم