نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - وتلومون الشعب لجاه أنفلونزا الخنازير.....

القيصر رهيب · #11 19/08/2009, 05:52 PM

إقتباس

الرسالة الأصلية كتبت بواسطة فـــهد


	عزيزي السعوديه لم تفشل في الوقوف ضد المــرض 95%من الحـالات تم شفاؤهـا والحمد لله مو ذنب الوزارهـ إنها تذكر الإحصائيات الصحيحه بعكس بعض الدول المتكتمه البعض يحس بالأعراض وهم مايدري وش فيه ولآ منه طاح الفاس بالراس قالوا والله وزارة الصحه....!!!!! اللحين ورآكـ ماتحط كمام وإلآ عيب...؟ يجيكـ الواحد مثل البهيمه يدربق برآسه ويتنفس بخشمه وبفمه تشوف فمه مفتوح من بعد كيلوا ويقول والله فشلنا في مواجهة المرض...!! نقد نقد نقد ويذكر السلبيات وإلآ الإيجابيات طنش تعش وعيش الحيـاهـ

هلا بولد الربيعه

طيب الحين الشعب ماعنده خلفية أو ثقافة طبية

مرض غريب عليه وقرأ من اسمه إنه انفلونزا خنازير فقال حنا ما عندنا خنازير من وين يجينا هالمرض وطنش ما صار يتابع وش هو المرض

وش مشكلة هالشخص .. ؟
أنا أعلمك وش مشكلته

ليش وزراة الصحة اللي تحبها ما سووت حملات في الاعلام عن المرض وإنه وصل عندنا و عن كيفية الوقاية منه

الحكي يطول لكن تذكر مرض حمى الوادي المتصدع .. ؟

كان فيه حملة قوية في التلفزون العالم بطلت تأكل لحم لأنها شافت شي أقنعهم

وين وزارتك عن مثل هالحمله اللي للأسف كانت الوحيده إذا غضينا النظر عن حملات التطعيم قبل الحج

طيب الحين آمنا بالله وقلنا إن هذي مسؤلية المطار ليش مو هم يروحون يجيبون لهم دكاترة مع إن هالامر مضحك لو كانت على كذا أجل بالله وزارة الصحة وش دورها ..؟

رح المستشفيات الحكومية وقل أنا عندي إشتباه في حالة انفلونزا خنازير وشف كيف يتعاملون معك

ماني قايل عن اللي قريته وسمعته وشفته بعيني أبيك انت تروح وتجرب ورد لي خبر وإن كانك بتجرب في الجامعي أحسن لأن هو اللي شفت فيه

ولا خلصت من الجامعي رح لمستشفى دله الخاص بتلقاهم حاطين عياده مجانيه خاصة بهالمرض وهذا من مجهودات صاحبك الربيعه هذا شي يشكر عليه مدير وصاحب المستشفى

بعدين يا حبيبي لو إن عندك كلام مقنع كان قلته مو قمت تسب اللي سبوا الربيعه

أنت طبقت المثل اللي يقول خذوهم بالصوت قبل لا يغلبوكم

معليش أخوي بس ردك عنجهي وما فيه أي إحترام للأشخاص بإستثناء الربيعه

وسلم لي على سعادة الدكتور كثير السلام