إقتباس الرسالة الأصلية كتبت بواسطة PUYOL Carles حازم .. فان قال اذا اعطوه وقت .. يقدر ينجح في البايرن .. لأنه طريقته وعقليته صعبه بالتالي يحتاج طولة بال من اللعيبه والاداره والجماهير .. لويس ماجاث .. لما مسك البايرن .. صراحه كان البايرن بمرحله انتقاليه .. ومافيه احد اعطاه ثقه كبيره .. وحتى كلينزمان لاقى ان الوضع صعب جدا .. فان قال .. واحد مايتفاهم أبد .. صراحه ماادري الحين اذا صار أفضل من ناحية عقليته ومرونته مع اللاعبين .. لكن كفكر تدريبي وتخطيط مستقبلي .. من المدربين الرائعين .. ومن الممكن المظلومين والغير محظوظين حتى .. وبسبب عقليته في التعامل مع اللاعبين .. مازال ستويشكوف يشرشح فيه كل ماجت له فرصه مناسبه .. ويعتبره من أسوأ المدربين .. في برشلونه مثلا .. العمود الفقري للفريق الحالي وفريق ريكارد .. من الا طلعهم .. فان قال .. ( تشافي - فالديز - بويول - اوليقير - انييستا ) .. كلهم هذيله مروا على فان قال .. هو الا اعطاهم الفرصه لأول مره واعتقد هالمدرب له أثر في حياتهم الرياضيه .. بشكل مبدئي .. اعتقد بأنه بيئة العمل في البايرن راح تتناسب معاه .. الضغوطات في المانيا راح تختلف عن مثلا ايطاليا لو مسك الميلان على سبيل المثال .. لأنه وضعية المنافسه والتركيز الاعلامي مختلفه شوي .. يبقى طريقته في التعامل مع نجومه .. امثال ريبيري .. كلوزه .. توني .. ومع الصحافه .. هل راح يكون طويل بال .. او راح يشرشح الرايح والجاي كنت اتمنى بقدومه مع البايرن يجيب لعيبه مغمورين موهوبين من الدوري الهولندي اكثر .. مثلا اللاعب ايليا ( اظن اسمه كذا ) .. لاعب تفينتي سابقا .. بدل لايروح شالكه ( اظن راح شالكه ) .. كان ممكن يستقطبه وراح يكون مفيد جدا على الأجنحه .. بالنسبه لوضع الاصابات الحالي .. ممكن شوي يمشي بشكل متذبذب .. لكن نتمنى الجماهير البافاريه تكون صبوره .. هالمدرب عينه خبيره على المواهب ويقدر يخلق دائما توليفه ناجحه جماعيا .. ومايهمه الاسم بقدر الجهد .. معروف البافاري عنده لعيبه شباب جيدين كثار في الفريق الرديف .. غير عن استقطابات البافاري لهالموسم .. مثل تيموتشوك الا متفقين معاه من العام الماضي .. او قوميز .. او الظهير اليسار الأسمر .. ايضا .. اعتقد راح يقدر ينمي موهبة برينو ويعطيه ثقه اكبر .. لأنه برينو عنده قدرات جيده لكن يحتاج عمل خاص للتأقلم على الكره الأوروبيه خصوصا وانه مازال صغير .. بالتالي مع شوية وقت اتوقع راح يقدر يرجعه للمسار الصحيح .. ويرجعه للواجهه الاوروبيه بقوه ..

يالله تحيهم...شرفت الموضوع يا ريس...خلاص مابي اي حد من العيال..انت فيك الخير والبركة

نجي للكلام الجد الحين

انا اتفق معاك بي انه فان غال صاحب قدرات فنية عالية وخبير تكتيكي عالي المستوى وهاي الشي مافيه خلاف...بس ياخي عنده شي يغث من ايام هو مدرب للبارسا...اذا تذكر طريقة البارسا يوم كان مدربه فان غال..كان يعتمد على تدوير الكورة بس المشكلة انه كان يطلب من اللاعبين انهم ينقلون الكورة بالعرض مب للامام...وانه كان دووووووووم تجد انه اللاعبين يرجعون الكورة للوراء واعادتها للحارس...وهالشي يقتل اللعب ويضيع من جهود اللاعبين.....هالشي اكثر شي كنت اكرهه في البارسا يوم الحبيب كان مدربنا ويخوفي انه يعيد الكرره مع البايرن(على فكرة انا شفت المباراة الاولى وكان فيها هالاسلوووب)

معروف عن الدوري الالماني انه كل الفرق تعرف تضغط على الفريق المنافس حتى بدون كورة...وبطريقة زي الي يتبعها فان غال ممكن تتسبب في الكثير من المشاكل للفريق خاصة اذا انتبهنا انه الفريق يعاني في الخط الخلفي تماما...

هاي الشي الي اخذه على هالمدرب و ابشرك مازال مزاجه زييييييييي ماهو ...... هذاك اليوم كان عنده مؤتمر صحفي بعد واحده من مباريات (كأس الاودي) ويجيه صحفي ايطالي ويسأله انه لييييييييييش ما لعب لوكا توني في هالمباراة(مع العلم انه لوكا مصاب) ......اووووووووووووو ويجيلك فان غال وخشته تقلب 838384 درجه ويهد المؤتمر ويطلع وهو معصصصصصصصصصصب

ففان غال اهو فان غال مايتغير

على فكرة فان غال اهو الي اصر انه ماراح يجيب اي لاعب من الدوري الهولندي لانه يثق في انه البايرن يملكون لاعبين مؤهلين تماما ولا يحتاج انه يجلب احد من الدوري الهولندي...


نجي لي نقطة الصحافة والجمهور....الغريب انه الصحافة الالمانية صحافة واعية وتتفهم مثل هذه الامور..بس الجمهوور اهو المشكلة يبي كل شي من اول شي..ومايقدر يصبر..
لكن كل هذا غير مهم...لانه صاحب الكلمة في البايرن هم الثلاثة الكبار(رومنيغه-فرانس باكنباور-اولي هونيس) هذولي ثلاثي الرعب (زي العندنا في البارسا الموسم الماضي)...هذولي الي يعتمد عليهم اذا ارضاهم فان غال..ضمن مكانه كمدرب..اما اذا حسو انه فان غال غير مجدي فهو بلا شك سيكون خارج اسوار الفريق البافاري بي اقصى سرعة...

على العموووم ننطر ونشوف...والله يعيني هالموسم على طريقة فان غال

كل التحية لك يا حسين..ولا تحرمنا من الطلة