إنكــسر وجة الليالي في قــدرها ..
وانثنى غصن المفارق وانجرح فيك ..
جفت عروق الصحاري من مطرها ..
وانـذبح مليــون دمع واندفــن فيــك ..
صآحــت الليلة أليمة من كــدرهآ ..
وانسرق ضي القمر وأظلمت لياليك ..
والله ان شعري يعجز عن خبرها ..
ضاقت أوساع الفيافي والخبر فيك ..
غبت يافخر البقايا وغاب فرحها ..
غبت يافخرأمي وهلي وشمر فيك ..
ضآعت دروب السعاده عن وطنها ..
وصارت السكة طويلة والبعد محتويك ..
انطفى ضي الشوارع وصآحت مدنها ..
وهالحزن والله ما اختص فيني وفيك ..
كل درب يذكرونك والخطاوي دفنها..
خطــوتن كانت بعيــدة ودفـنت مغليك ..
آآهـ ياضيق الليالي وبحة الحزن بنحرها..
وآآهـ يابخل المعاني لو تنكتب فيك ..
وآآهـ ياضيق المدامع في محجرها ..
وآآهـ ياصعب المفارق والغلا فيك ..
يقولون من يخلف مايموت بوطنها ..
وعزاي أفتخر دام البقايا منك وفيك ..
ياموسع الضيق على قبره وسعها ..
وأسكن منازل نبيك من نزل فيك ..
بعتذر لك..عن أقدارِ ٍ بيد اللي خلقها..
يوم رحلت عرفت وش يعني أبيك..
ماعرفت إني أحبك وخفوقي مانطقها..
حين مدت كف الموادع والثرى محتويك
يبه لبيه .. يبه لبيه ..تفدى عمرها ..
ماتت العبره بخافق من هو يفديك ..
ومانقول الا رضينا بالهم وقدرها ..
والله أن الحرف يعجز عن رثاي فيــك ..
صبآح القصيم
20/8
البقايا ..
| 