هلا اخوي مقدام للعلم انا اقرأ كتابتك هنا وفي الساحه العربيه سابقا 
انا معاك الهيئه الله يجزاهم كل خير ماقصرو ..ومهمه في كل مجتمع
انا ماراح اتكلم عن مراقبه الناس والظن السيي وحكمها...
لكن بتكلم عن شغله اسلوب النصيحه
لحديث الرسول -صلى الله عليه وسلم
«إن الرفق لا يكون في شيء إلا زانه ولا ينزع من شيء إلا شانه ».
------
ابتكلم عن سالفتي صارت لي مع الهيئه مع العلم كانو معاي في الجلسه ناس ملتزمين مشهود لهم بالصلاح يوم الاربعاء طلعنا حنا والشباب بالثمامه ... نبعد عن ازعاج وضغط المدينه وعن الاستراحه المهم وحنا بعز السوالف بعد الشوي والكبسه اللي ترد الروح (من ايديني ) خويي قالي شف اللي وراك واشوف جيوب توقعتهم فيه تحدي بينهم وشوف اسرعوا وكأنهم ناصيننا (متجهين عندنا بسرعه) وفجأه واحد راح يمين والثاني جاي لمنا بيدعسنا يوم شفته انه اقبل خلاص ونقوم بسرعه نروح لسيارتنا ((نور السياره مولع )) ويجيبنا في الله يوقف لمنا وبكل بساطه يقول وش عندكم ونشوف واثاريه سياره باترول تبع الهيئه ...احدنا قال ياخي خوفتنا مو اسلوب قال اشوف انتم سكارى ولا لا ... تكلمت قلت لو حنا سكارى كان صحينا عقب حركتك واللي راح يمين ((السياره الثانيه)) جانا من الجهه الثانيه يمين شوف كيف يعني واحد واقف بوجيهنا وواحد خلفنا عشان يقالهم مايمدينا نسوي شي ((نخبي شي)) .. الثمامه في بلاوى ما اختلفنا بس بالله هذا اسلوب حقيقه من الاول كنت اقول الجرايد ظالمه الهيئه بس عقب اللي شفته ما استبعد منهم اي شي انا عاده احفظ لوحه شي بس هالمره. للاسف حسبي الله عليه والله لايسامحه ولايحلله اتمنى الهيئه تفعل مزيه الدربيل الليلي 