|
قصتـــي مع المشجــع السويدي فـي ؟؟ وماذا قال عن اللاعب ...... ؟؟
بسم الله الرحمن الرحيــــم
صباح / مســاء الفل والورد والياسمين لاحلى أعضـــاء شبكة الزعيـم
( قصتــــي مع المشجــــع السويـــدي )
سلمكم الله انا اليوم دخلت قيمزر ( بلياردو ) << للي مايعرفون وشو قيمزر 
وماشاء الله اللي يبي يسوي علاقات بأي مكان في العالم يدخل هالموقع ..
ع العموم اليوم استدعيت واحد سويدي قعدت العب واسولف معه ...
دردشنا في البدايه الأسئله المعهوده المتداوله مع بداية كل تعارف ( الاسم والمدينه والعمر وزي كذا )
خلصت السواليف وقلت يارجال تبي فلها افتح موضوع الكوره 
سألته في البدايه قلت له تعرف ابراهيموفتش ؟؟  <<< انا بعد هالسؤال حسبته بيطلع
( وش اسوي مالقيت احسن من هالبدايه ) 
قال ايه اعرفه طبعآ ...
قلت له والله لاعب مميز <<<< مسوي جبت شي جديد 
قال ايه اكيد لاعب رائع
ثم سألته عن لاعبنا ويلهامسون قلت له تعرفه ؟؟
قال ترى بشوووتك <<< لا ماقالها بس توقعت بيقولها بعد هالسؤال الغبي
قال ايه اعرفه قلت تدري إنه يلعب بنادي الهلال السعودي ؟؟ 
قال إيـــه ...
قلت حبتيــــن 
قلت إيه هو هناك مسوي الهوايل في الدوري وأعطيه من الرخيص
خلنا نرفع سمعة دورينا شوي
ثم قال لي فيه لاعب ثاني في الهلال مميـــز ؟؟ 
قلت منهــو ؟؟
الاداره الهلاليه متعاقده مع لاعب على طريقة نيفيز وحنا ماندري ؟؟
قال اللاعب هـــو ياســـر القحطــاني
أنا والله تفنجلت عيوني وقعدت اقرى الاسم حرف حرف كاتب ( yassir al qahtani )
بهذي العبـــاره ...
قلت له أنت متابع الدوووووري السعودي ؟؟
قال لا
قلت له شلون عرفته ؟؟
قال هو حصل على افضل لاعب آسيوي 2007 م .. وشفناه في كأس العالم 2006
إنه لاعب رائــع حقآ ..
والله ياشباب مااخفيكم إني خليته يلعب اكثر من مره وفاز علي اكثر من مره
حنا كريمين وياســر يستاهل
قعدنا نلعب لين طفشت وقلت يالله مع السلامه ...
والله كبيــــر ياياسر ...
( والله ياشباب هذا اللي حصـــــــل )
وآسف على الإطاله ... واعذروني على رداءة التنسيق <<< الكلمه متعوب عليها ترى
وبالتوفيق للزعيــــــــم  
 | 