السلام عليكم

يعطيكم العافية ع المجهودات الجبّارة

يازين اليوفي أمس حتى لو أنه ضد سونغنام بس اللمحات واللمسات والشغل واضح جداً وقدام الريال بيكون اختبار حقيقي وقوي وراح نشوف نتائج العمل طيلة الأسابيع الماضية ..

دييغو خيااال وعاالم ثاني هالآنساان هذا اللاعب الوحيد اللي خااق معه من 3 سنوات وكنت أتمناااه يجي لليوفي وأخيراً تحققت الأمنيات والأحلام

ميزة وزينة اللاعب بجانب صناعته للعب والتسجيل وقدمه القويه أنه يساند الدفاع وقادر على بداية هجمه من خط الدفاع في كثير من اللقطات شفناه يستلم من عند كيليني وليغروتالي وهو يبدأ الهجمه بطريقته صحيح هذي وظيفة صانع اللعب لكن لو نشوف صنّاع اللعب الآخرين نحصلهم يستلمون من على النص موب من الدفاع

وأعتقد كـ رؤوية فنية بحسب خبرتي التي لايصف جنبها أحداً بأن الفريق فيه ميزة خاصة وهي وجود 3 لاعبين قادرين على حسم المباريات من لمسة واحدة !

وهم دييغو وكامو وميلو ( او زانتي في حال مشاركته ) ، في حال الضغط على دييغو وعدم إعطائه فرصه راح يكون كامو في حريه تامّه ووبهذه الحاله سوف يمارس كامو هوايته المحببه في جعل المهاجم هو وضميره أمام المرمى وهناك زانتي وميلو يمتازون بالدقة في التمرير الطويل ، ميلو أمس صحيح أنه مالعب وقت طويل وهذي أول مباراة له لكن يالبى مناولاته صدق فيه كورتين بالمليمتر عطاها ياكوينتا وكامو في مكان فااااضي

واذا جينا للدفاع ، فهو بأمان بأذن الله بوجود كيليني وكنفارو وأبو عايشه

تياغو أمس شي ثاني ما أقول الا الله ياخذك يا رانييري يومك تكبت اللاعبين ومستوياتهم ، استمرارية تياغو على هالمستوى البطل ممكن تخليه أساسي ، وهو يستحق ذلك بناءً على مستواه في المباراتين الأخيرتين

أيضاً زيبينا قدم مستوى كويس لكن الدكه تنتظره لأن كاسيريس جااي .. وبالنسبة لـ ترزيغيه صحيح بالأمس سيئ لكن وبدون مجاملة أو محاباة ترزي مو هذا مكانه ، ترزيغيه خطورته تكون داخل الصندوق ومجرد خروجه منه تنتهي خطورته نهائياً ، ترزيغيه لاعب ينهي الهجمة موب يبدأ الهجمة !

شفناه مراات ع الأطراف ومراات يرجع يستلم .. هالأمور تمشي مع أماوري وياكوينتا لكن مع ترزي ماتمشي أبد والدليل مناولة دييغو له بالنص

إقتباس الرسالة الأصلية كتبت بواسطة هلالي وأحب برشلونة 9 || كاسيراس سافر إلى آيطاليآ اليوم ! || - وفقا لـ 'RAC1' ، المدافع كاسيراس سافر الى ايطاليا اليوم الاربعاء مع وكيل آعماله ، لكي ينظم كاسيراس رسمياً لـ اليوفي ! - الصفقة ستكون كـ آنتقال نهائي و ليس آعاراة ، و قيمة الصفقة هي 12 مليون ! نقدر نقول آلحين آلف مبروك كآسيراس يا شباب لآعب جوكر يلعب في قلب الدفآع و الظهير الآيمن عمره صغير ( 22 سنة ) و يملك بُنية جسمانية روعة ، في منتخب بلآده هو القطعة الآساسية في الدفاع ! صراحة صفقة مميزة لـ اليوفي و لو آن البرشا مو في حاجته و إلا كان ودي يقعد ! مدري ليش هـ الصفقة خذت من آهتمامي كثير يمكن عشانكم طرف فيهآ لبى قلوبكم !

ياحبي لك يا أطلق برشلوني

الله يعطيك العافية ع المتابعة ومنورنا وربي

ولبى قلبك بعد أنت لاتقطعنا






يالبى الرومانسية يانااس

لايغار زيبينا بس


يعطيكم العافية جميعاً