نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الأزرق العالي · #1 04/04/2004, 10:07 PM

[ALIGN=CENTER]مرحبا ..

فيه واحد من أصدقائي العزيزين على القلب ، اسمه [ أبو سلطان ] ..
و هو طيّب و حبوب و يدش القلوب

( شرواكم

) .

المهم ..

أبو سلطان سواليفه حلوة ، لكنه أحياناً يخطئ أخطاء ( طريفة ) و هو يسولف !!

حبّيت أذكر لكم بعض من هالمواقف :

الموقف الأول

مـرّة كـنّـا طالعين مشوار .. و كان ( أبو سلطان ) هو السواق

..

و فجأة وقفت سيارة قدامنا !!

و بفضل الله ثم حرفنة ( أبو سلطان ) فكنا الله من الحادث

..

دخلنا في لحظة صمت بعد هالموقف .. و فجأة قال أبو سلطان و هو مرتبك : الله يجزانا خير علشان ما صدمنا !!!

لا يا شيخ .. تكفى لا تصدم !!

الموقف الثاني

في ليلة كان صاحبنا أبو سلطان متضايق

، و كنت أواسيه و أحاول أهدّيه

..

الرجال حالته النفسية كانت سيئة :sad: ..

المهم .. قلت له : يا أبو سلطان اصبر و أنا أخوك

..

رد علي : آآآآه صدقت .. من صبر لبق !!

يعني المثل ما هو ( من صبر ظفر ) .. و لا هو ( من سبق لبق ) !!

ضحكنا بعد هالكلمة ضحك خلانا ننسى حزن أبو سلطان ..

و من ( صبر لبق ) !!

الموقف الثالث

كنا جالسين في المجلس أنا و أبو سلطان و بعض الشباب

.

واحد من الشباب كان يتكلم عن شخص نعرفه توفى من فترة ..

جاء أبو سلطان و سأل : وش سبب وفاته ؟؟

رد عليه : و الله سرطان !! :sad:

أبو سلطان بنبرة حزينة : الله يشفيه !!

هذي قوية يا أبو سلطان .. يعني الرجال شبع موت و انت تقول الله يشفيه !!!

قمة الأخلاق !!

الموقف الرابع

كنا جالسين زي العادة أنا و أبو سلطان و معانا واحد من عيال عمي ..

قال ولد عمي لأبو سلطان : وين ولد عمك فلان ؟؟

رد حبيبنا : و الله رايح للديرة لأن جده متوفي ( يقصد جده لأمه ) .

قال ولد عمي : جدّك انت ؟؟

رد أبو سلطان بسرعة و قال : بسم الله عليه !!

الشيء الغريب ما هو رد أبو سلطان !!

الغريب إن جده متوفي من 25 سنة !!!

هذا بعض ما أتذكره من سوالف ( أبو سلطان )

..

و اللي عنده مواقف طريفة لا يحرمنا منها

..

تحياتي ..[/ALIGN]