تبون الجد انا احس عبدالله صالح كامل طبعا لازم نقول الشيخ قبلها ولا وش رايكم
اعتقد انه فيه تنسيم بعقله ولا تنسيم بعقل مدير القناة يعني التنسيم فيهم فيهم
هي السياره ما تمشي بس الله اعلم ان الخراب بالمكينه ولا القير
المهم

الحين هاذي قناه ربحيه = تبي قروش
وعندك طعشتين الف قناة
وعندك جمهور خل اقول اقل شي مليون مشجع بيشترك منهم بس 100 الف واحد بس معك اوكي استبينا
اذا كانت قمه كل اشتراك ب10 ريال = مليون ريال
اذا كانت قيمه الاشتراك ب100 ريال تبطون عضم طبعا ينزل لها سعر = 10 مليون ريال
اذا كانت قيمه العقد 1000 ريال =100000000 عاد احسبوها انتم 100 مليون ريال
طيب مادام ابو الشباب رفع القيمه خلنا نقول نص المشتركين بيتركون القناه بماانه سوي تخفيضات موسميه ورفع الاسعار تخبرون كل شي مشقلب عندنا
كم يطلع مكسب قناه الدجه من المشتركين
وكم تدفع للهلال ؟ بالعقد
يخرب بيت المخ
ياخي اقسم بلله لو بيدي لاسوي قناه راس مالها 120 الف ريال شوفوا قنواة الشعر كل ما تغير بالدش تلقي قناة شعر وكلها بقيمه اقساط لاند كروزر ودز رسايل
اسال العاقل
تخيل الهلال يملك قناته الخاصه
وخل ابو سكسوكه جنان يرفع قيمه مبارياتالهلال علي القناة عادي
اقسم بلله يا تكلفه القناه والارباح للنادي من الرسائل فقط لو اضيفت للقناة ان تغطي ميزانيه الهلال وميزانيه فرق الدرجه الثانيه والاولي معنا ونسوي لهم ملاعب
انتم بس قلبوا وشوفوا كم الرسائل في الدش وتخيلوا قناه تعرف ان اي ريال بتصرفه بيجي الهلال منه علي الاقل 50% من قيمه الرساله
لا تقولون مجنون الظاهر ممكن نشتري مانشستر بعد كم سنه ونخليه فرع للعريجا في لندن

وين رحنا ايه نرجع للعار تي
الحين عادي ما تنقلون مباراه اوكي نمشيها
بس من بد التدليون طعش الف شريط الل يعندكم ما تختارون وقت المباراه الا مباراه ام صلال عساكم بالصل

اقسم بالله العلي العضيم هلشغله مقصوده ومتعمده
واللي يفهم يفهم
واذا بتعابطون بسلامتكم
هذي قناه اتحاديه بالعربي من عيال صالح كامل دمهم اسود واصفر
وصدقوني انه يسوي اعتذار وهو متسدح يضحك
لا وكل الصيفيه مباراه الاتحاد نهائي الدوري اعاده
يخرب بيت المخ
مدري كيف تكون قناة ربحيه تبي قروش وتطرد الزباين
يعني كنك فاتح بقاله ولا جاك احد بيشتري قمت عليه بعصا المكنسه كسمرت راسه

شخصيا بعد هلحركه اقسم بلله العلي العضيم لو تصير العارتي بريال والله مااشترك الا بالدنقل او هيو ماكس
وخل ابو زنوب يبلط البحر
سلام