إشبوه منتداكم كدا خبط!!.
كل ردي عفسي لي هوا - مره يزيد ومره يحدف!!.
___________

لأني عارف إن الأسئله بتتجمع علي وبتورط
وأنتوا ماخذين علي بأني ( أسحب ) على الأعضاء بكل موضوع أنزله لكثره الردود
فخلوني أرد من ألحين علشان ما أفكر بالسحبه
فدام أول إثنين ( ما كتبوا أسئلتهم ) نبدأ بربطة وشباصه
على إن هالبنت أتوقع مصيرها ( لسجن النساء ) بالملز
تعجبني ردودها ( لا تخاف في الله لومه لائم )
ربطة وشباصه
السؤال الأول : كيف تشوف نفسك بعد 20 سنة من الحين- ؟
ككل رجل سعودي ( خمسيني ) لعب فيه الزمن
بكرشه بمقدار 5 إنش - النظارات مدبله ( المسماه بالحجر )
عندي 5 عيال - واحدٍ منهم مشيب راسي
وما غير أهوجس كيف أشتري لهم بيت!!.
السؤال الثاني : ماهو الهدف الذي تسعى لتحقيقه ؟
كهدف وظيفي - لا شئ!!.
لسبب :
الموظف في أي مجال عمل بيلاحظ إن بعض الموظفين ( لوقيه )
واللوقي أقرب تعريف له ( اللي يفعل أيه أمر للوصول لمصلحته ، وحتى لو كان على حساب ضرر غيره ).
فأنا إنسان قنوع ( ولله الحمد ) إن جاء رزق من الله أو ما جاء ( حمدت ربي على النعمه اللي أنا فيها )
أما كهدف دنيوي :
إني أوفر جميع المتطلبات الأساسية ( واللي صارت صعبه - لدرجه تكاد تكون مستحيله ) بدون ما أنسى الهدف بالآخرة.
السؤال الثالث : أحسن اسم بنت وآحسن اسم ولد بالنسبة لك ؟
بالنسبه لي لإسم البنت أحب إسم ( ساره )
وأما الولد ( بدر )
بس المشكله ألحين في إسم بدر ، لو بسمي أكبر عيالي ( بدر )
فما راح أخلص من تريقه العالم
خبرتس إسم ( أبو بدر ) صار بالحظيظ بعد مسلسل باب الحاره
الأخير : لو كنت ملك للسعودية ، وش أول شي بتسويه ؟
أول أمر راح أصدره :
نقل العلاوات السنويه وتبديلها من كبار الموظفين لصغارهم.
بمعنى :
الآن الموظفين بالمراتب العليا ( علاواتهم السنويه ) توصل إلى 600 ريال.
والموظف الصغير ما تتعدى 200.
يعني بتكون علاوه الموظف بالمرتبه العليا ( فسقه ) فوقه فسقه راتبه!!.
فراح أخذ هالـ ( 600 ) ريال وأضيف 50 ريال علاوه سنويه فوق علاوات الموظفين الصغار بتقسيمها بينهم ( بحكم إن عدد الموظفين الصغار ) أكبر من موظفي المراتب العليا ( بدون ما أسبب خلل بالميزانيه ).
______________
الصخره
1- بصفتك كهنوتيّاً.. ماهو برأيك الحد الفاصل بين الكهنوتية وتحكيم الفقيه في مجتمعات تنتشر فيها الطبقية ؟؟
2- الفرانكونية.. ماعلاقتك بها ؟؟ والى أي مدى تبدو ثقافتك في موروثها ؟؟
3- هل انت ممن يرون ان النظام الاتاتوركي العلماني قد ساهم في تغيير البنى التحتية التركية.. ام انها مازالت على طمام المرحوم ؟؟
بصراحه : لا أفقه كثيراً مما تقول
كان بإمكاني الدخول والبحث عن معنى ( الفرانكونيه )، و الرابط بين الكهنوتيه وتحكيم الفقيه في المجتمعات الطبقية!!.
وإدعاء ( المفهوميه )!!.
والتعمق في الثقافات التركيه ( خصوصاً ) بعد إنسياق شبابنا خلف جماليات ( التهنيد والتلميس ) نسبهً إلى مهند ولميس!!.
إلا أنني آثرت على نفسي ذلك برد واحد
( كلهم بحريقه )
إذا هالأمر ما راح يفيدني بديني ودنياي
اللي بعرفه بجاوب عليه ، واللي ما أعرفه بقول ما أعرفه ( أنا ما أدعي العلم والمعرفه )
أنا كجميع الخلق ( أستزيد ) بما يستهويني
4- كيف لك ان تشخّص لنا تشخيصة ( بنت البكار ) في حالة عدم وجود كمية كافية من النشاء على شماغك ؟؟
تشخيصه بنت البكار ، تعتمد على مسكه اليد
عن طريق ( ثني ) اللي ( تدودل ) يمنه ويسره
ونسفها - نسفه واحدة.
وبإمكانك يا عزيزي أن تكتفي بوضع الشماغ على شكل ( رقم 9 )
كما يفعلها جميع طلاب الثانوية
5- بين مطرقة منظمة الامم المتحدة... وسندان عصبة الامم... كيف ترى التغيير ؟؟ والى أي درجة ؟؟
أنا يا عزيز مبطل سياسة ( من زمان )
إسألني قبل بحكم الدراسه و البحث والقراءه عن سياسات الدول
أما وأن السيناريو يتكرر - دول حلول
فآثرت التطليق بالثلاثة
6- هل انت ممن يعتقدون ان البيض المسلوق مادّة غذائية ؟؟ ام انه مجرد فطور لاراح ولا جاء ؟؟
بعد أن مّن الله عّلي بتجربه ( الكبدة ) والفول ( التاوه )
تركت كل البيض وما يبيض ( صباحاً )
7- لماذا برأيك يكره الكثيرون النجم / محمد نامي... مع ايماننا التام بأن حجم الخشم؟
ليس له علاقة في الموضوع.. والدليل ما ضر سلطان كبر خشمه؟
محمد نامي ( القضيه )
صدقني يا عزيزي المشكله ما هي في ( نامي ) لحاله المشكله في الجمهور!!.
إذا بدّع أيه لاعب هلالي ضد فريق حتى لو كان ( الدرعية ) طيروه للسماء.
وإذا جت مباراه مصيريه ( وكان هاللاعب المطيّر بالسماء قبل يومين ) نايم ، نزلوه أسفل السافلين!!.
8- بعيداً عن المجاملات.... لماذا تكرهني ؟؟
شوفي إنت تعرفني ما راح أجاملك
أنا ما كنت أكرهك لشخصك ، كنت أكره مواضيعك
ذبحتنا أول ما جيت
لو كنت مشرف بأول ما دخلت إنت المجلس ، كان بكرهك المجلس العام
تخيلوا أدخل المجلس إلا الحبيب :
منزل موضوع ، وكل ثلاث ثواني رافعه
وبعد ما ينزل الموضوع بربع ساعه تلقى الردود 115 - سلامات
وياليته يمّل
من بكره منزل موضوع جديد
طبعاً من منطلق حبي للمجلس العام آثرت إني أكلم الحبيب الصخرة - بشوف وش يشرب
هالطاقة - ما هيب على صِح ( بكسر الصاد ).
قلت له يا عزيزي إنت الآن عرفوك المجلس ( وجلست أرّفع فيه شوي ) ، وخّف علينا شوي
رد علي ( فهودي ) قالي ما عليك أبشر
قلت بنفسي أشوى جابت هالرساله نتيجه
ما كملت 48 ساعه ما تطمينه لي إلا الحبيب منزل موضوع جديد
عاد تركته وما عاد دخلت مواضيعه
بس أشوى نصّبوه ( إستشاري ) وخّف علينا بالمواضيع الله يحفظه
9- اكمل البيت التالي : القهوة اللي ماتقنّد بها الهيل مثل العجوز اللي خبيث (..............)؟
ياليت تكمل البيت وتفيدنا ، لأن الشعر أساساً يجيني لما أقراه يجيني حموضه ، فعلشان كذا ما عرفت التكملة