| يابن الحلال ان طعتني خل الاســـراف .. واترك جمال الغيد لاهل البصيــــره
الزين موبس في الملامح والأوصاف .. الزين روح وعفه وطيب سيــــــــره
مانيب من يهوى سريا وانصـــــــاف .. أنا هواي وبس "بنت الجزيــــــــــره"
بنت الخليج اللي تماري بالأعراف .. وحنا نماري باسمها كل ديــــــــره
مالي غرام بقول وخا وبالـــــــــــــــزاف .. اذبحتني عند الطرحه المستديــره
أحب قولة ياهلا وعل وماخــــــــــــلاف .. من بنت ثوبي بنت الأرض النضيـره
اللي تحلاها الظبي حلو الاطـــــراف .. جمال في عفه ورقه وغيــــــــــــره
واللي بها سحر مهو سحر عـــــــراف .. ياعل عين ماتراها ضريـــــــــره
عطف وحنان وذوق في لين الاعطــاف .. والى كشفت لثامها شفت أميـــره
صعب على اللي بالردي شاف ماعاف .. وحلوه على اللي سنه الله ضميــره
شمس إلى من أشرقت والدجا طـاف .. غابت نجومك غصب لو هي كثيــره
السيف ما يزهى سوى كف سيـــــاف .. والخيل دون حصانها مستخيـــــــره
بس أنت دورلك على قدك لحــــــــاف .. وان طعتني دور بدلنا عشيـــــــــره | 