السلام عليكم

أنا ماأدري ليه الناس زعلانه على Art وتحرق أعصابها على الفاضي

يأخي ببساطة ليه تشترك في Art

انا الحمد لله اشتراك الArt عندي انتهى قبل فترة و والله العظيم اني اعد الأيام عد فرحان أني اشتراكي بينتهي

لأني كل ماأحط على Art ألقى مباراه نهائي الدوري مع الإتحاد الي فازوا فيها الإتحاد

أغير القناة اشوف الي بعدها ألقاهم عايدين مباراه الهلال وهو مهزوم 3-0 في نهائي الدوري من الشباب

اغير اشوف القناه الي بعدها ألقاهم جايبين مباراتنا مع أم صلال

يعني تركوا تاريخ الهلال الاسيوي كله ويعيدون في مباراه أم صلال

ولأنه أخوكم عصبي شوي فالضغط عندي يرتفع شوي من تصرفات هالمتخلفين

فحفاظا على صحتي وعلى أموالي

قلت لنفسي أفكر فيها بالعقل ليه اشترك بالArt عشان ارفع ضغطي

يعني تخيل أنك تدفع من جيبك 2000 ريال تقريبا قيمه اشتراك الArt عشان ترفع ضغطك هذه غير أدوية الضغط الي تشتريها

فقلت أوفر على نفسي ال2000 ريال

طيب يجيني واحد يقول كيف نشوف مباريات الهلال الحصرية الأمر بسيط إذا مباراه الهلال في المدينة المتواجد فيها

احضرها في الملعب

خصوصا أهل الرياض بحكم أنه أغلب مباريات الهلال في الرياض احضروها في الملعب اصرف من رفع الضغط من Art

طيب إذا مباراه الهلال خارج المدينة الي أنت متواجد فيها الأمر لبسيط

أقرب كوفي شوب روح تابع فيها المباراه

والكوفي شوب ماأكثرهم صاروا أكثر من البقالات

وإذا ملزم تتابعها في البيت عندك الدريم بوكس الشباب يمدحونه

وعلى العموم ترى مباريات الهلال مو كلها حصرية يعني عدد قليل من المباريات حصري والباقي منقولة على السعودية

الرياضية وابوظبي الرياضية الخ....

والله حرام ندفع 2000 ريال أهلك أولى بالفلوس من Art

والي يقول نبغى ندعم نادينا بالإشتراك في art الزعيم

عندك أكثر من طريقة لدعم الهلال وهي كالتالي:

1-شراء منتجات الهلال الأصلية.

2-الإشتراك بعضوية النادي.

3-حضور مباريات الهلال في الملعب.

4-الإشتراك في موبايلي الزعيم.

الخ..........

وإذا مصمم أنك تدعم الهلال بقيمة اشتراك الArt روح لنادي الهلال وحط عندهم ال2000 قيمة الإشتراك

أصرف ماتعطيها للArt يأخذون 1500 ريال ويعطون للهلال 500 فقط


في النهاية آسف على الإطالة وماأقول غير الله يرضى على الجزيرة الرياضية 8 قنوات مشفرة

دوري أبطال أوروبا+الدوري الإيطالي+الدوري الأسباني=280 ريال سعودي فقط

تخيل لو أنه قناه الهلال كانت من ضمن باقة الجزيرة<<حلم كل هلالي.