20/07/2009, 03:43 PM
|
| زعيــم جديــد | | تاريخ التسجيل: 08/04/2005
مشاركات: 29
| |
أول شيء بيض الله وجهك على هالموضوع الجامد وكفيت ووفيت في طرح أغلب النقاط الي تخص جماهير نادي القرن .. ولكن عندي إضافه بسيطه بدلاً من الإعتماد على مجلس الجمهور الهلالي الي صراحه ماقصرو ولكن شغلهم يعتمد على توزيع الأوراق البلاستيكيه وماشابه وتنظيمهم خارج الملعب او قبل المباريات ضعيف جداً ومايبدأ الا في الملعب .. ممكن حسنتهم الوحيده في مباراة الوحده الاماراتي اذا ماخانتني الذاكره يوم لبسو اطقم برتقاليه وانتشرو في جميع انحاء الملعب ووقف اشخاص في الصبه المقابله للمدرجات لإعطاء الجماهير مايجب فعله وشفنا ان ذيك المباراه كان الجمهور فيه مهيب لا من حركة البوكا ولا من المراوح او رفع الشالات وفي نفس الوقت الاهازيج !!
اقتراحي هو أن يفتح موضوع مثبت هنا في منتدى جمهور الهلال يكون مضمونه هو تسجيل او بالأصح تجميع 500 شخص من عشاق الأزرق الي يواظبون في حضور مباريات زعيمنا وهذولي ياكثرهم .. ولكن اهم شيء ان يكون انسان متحمس وحرك ومخه آوروبي شوي مهوب من طقة الي يقشمون واذا احد وقف يبي يشجع يقول بالله اجلس نبي نشوف !!
وش راح تكون مهمتهم ؟؟
1- راح يكونون بدل الرابطه الي لم تعد تغني ولا تسمن من جوع .. الله يذكر ايام ابو خليل بدون مكروفونات وكان مشعلل المدرج الحاله 
2- مكانهم يكون في واجهة الملعب تماماً بما إنهم لا يحملون طبول او اي ادوات تشجيعيه راح يسمح لهم لأنهم يعتبرون مشجعين عاديين
3- يكون صوت ال 500 شخص كصوت شخص واحد وسط كثافة الجمهور الهلالي ولا يسكت طيلة المباراه .. ويكون التشجيع على الطريقه الآوروبيه ومثل مباراة اعتزال ابو يعقوب  .. صوت واحد .. مثلاً زعيــم زعيــم نحـبك نحبك على وزن زعيم زعيم وي لوف يو وي لوف يو
كيف يجتمعون؟؟
بعد ماتنتهي مرحلة التجسيل في الموضوع المثبت تشوف إداره الموقع عشرة اشخاص من هال 500 كفو ولديهم شخصية القياده وإعطائهم مهمة التواصل مع هالإعضاء .. مثلاً يفتح لهم قروب شات في الماسنجر ويجتمعون كلهم ويكون التواصل بينهم مباشر وفي نفس الوقت تقوى علاقتهم بهالحركه !!
يعطيك العافيه مره ثانيه وارجو إني اضفت ولو الشيء القليل !!
نص ونص وفي رواية n9wn9
 |
