السلام عليكم ورحمة الله وبركاته

ما نختلف ان مورينو اضاف الاثارة للصحافة الايطاليه وخسرته الصحافة الانجليزيه
لكن مورينو متكبر بزيادة وهذا شي غير معروف عن المدربين لاساطير اللي معروفين بالتاريخ
لا نروح بعيد ونشوف اعظم المدربين الحالين كابيلو وليبي وغيرهم ما عمرنا شفناهم يتهزئون بخصومهم ايا كانو ولا يتمسخرون فيهم
بل العكس نشوف احيانا لهم تصريحات بالثمانيات وتصير امثلة بعدين
مثل كابيلو يوم يرك دل بييرو احتياط ويوم حشروه الصحافة قال بيشكرني بعدين وفعلا هذا اللي صار
ليبي يقول عطني هجوم افوز في مباراة وعطني دفاع افوز ببطولة وهذا الكلام اعتبره قاعدة في كورة القدم
مورينو للاسف تصاريحه مثل ما قلت باول الرد تمسخر وتهزيء
والمشكلة احيانا ترجع عليه واخرها يوم جاب الثاني في مجموعته بدوري الابطال وتكبر وقال انا متعمد علشان العب مع الفريق الاقوى بالمجموعة الثانية ويوم طاح بمانشستر قال كويس علشان اطلعهم بدري والنتيجة اكلها على راسه
وبرضة يوم يتطنز برانييري ويقول قود مورنينق , بعدها بيوم انهزم وحطت التوتوسبورت المانشيت بخط عريض good morning morinhu
يعني يجيب الكلام لنفسه وبصراحة ثرثار غير طبيعي هالمدرب

طبعا اتمنى من معجبين مورينهو انهم ياخذون كلامي انه انتقاد لمورينهو ولا هو انتقاد لهم باشخاصهم لان فيه عضو قبل فترة نزل موضوع عنه ورحت انا ورديت على الموضوع والرجال سفهني وقال اني طفل ووجه لعملة واحده مع الاطفال ومدري ويش ولا كني غلطان على اهله !

شكرا لكم