بالله اثنين ميكاتو بالكراميل .. تيك اوت الله يخليك .. السكر برة .. ..

ايتاليا و ما أدراك ما ايتاليا .. مافيا و مؤامرات و تحكيم و رؤساء بخلاء << متأثر بالحقير بيرلسكوني ..

لكن هذه حلاوتها و هذه متعتها .. مافي بلد في العالم او دوري يحمل كل هذه المتناقضات .. الذ اكل في العالم .. احلى نساء في أوروبا .. بلد الأناقة في العالم .. و المافيا و الأصول العربية للمهسترين في الجنوب ..

بلد فيها سحر كروي مو طبيعي .. قد يقول البعض ان الكرة الإيطالية انتهت و انتهى زمنها .. اقولهم معليش و تبو تعرفوا ليه اسألوا السير فيرجسون ليه طايح على شباب ايطاليا و تارك الإنجليز .. اسألوا الإنجليز ليه اختاروا ايطالي حتى يدرب منتخبهم .. اسألوا مدريد ليه حفى ورى لاعب برازيلي تشرب الكرة الإيطالية ..

إيطاليا قد تمرض و لكن لن تموت بإذن الله << كرويا طبعا و لا الفاتيكان في داهية باللي فيه ..

نخش في الكورة ..

ميلان فريقي داخل على موسم مجهول .. مستحيل احد يقول انه ميلان راح يبدع الموسم القادم و لا راح يخربها ؟؟ رونالدينيو هو مفتاح الموسم القادم ..

الإنتر كالعادة تعاقدات و حدهم دور ال16 في اوروبا << لحد ينبرش ترى مجرد مداعبة .. الإنتر كالعادة راح ينافس على الدوري الإيطالي و بوصول ميليتو الفريق اصبح اقوى بكثير لأنه راح يريح ابرا كثير ..

اليوفي : بصراحة لا اتوقع موسم كبير لليوفي على الرغم من كل الدلائل اللي تشير بمستوى حلو ..

روما : مادري اش نقول يا روما اشتقنا لأيام 2001 -2004 والله .. ايام المتعة

لاتسيو : الفريق بصراحة كل موسم يتحسن لكن مساكين ميلان في اسوأ حالاته يعطيهم وجبات دسمة

الفيولا : مستقر تماما و موسم قادم جيد لكن أتوقع ما راح يتأهلوا للشامبيون

جنوا : مجانين لو كملو السوق بنفس الطريقة اتوقع لهم مكان في الشامبيون السنة القادمة

باليرمو : اكره ذا الفريق بسبب رئيسهم المخفة اللي يكره غالياني

البقية لهم تحياتي و امالي بموسم مشرف للكرة الإيطالية ..


Arrivederci ragazzi